Gujarati News

Gujarati News

News of Wednesday, 16th May 2018

૬ લાખની લૂંટમાં ઉપયોગમાં લેવાયેલુએકટીવા કુવાડવા પાસેથી મળી આવ્યું

નજીકના દિવસોમાં ભેદ ઉકેલાવાની શકયતાઃ પોલીસની જુદી જુદી ટીમો બનાવી તપાસ

રાજકોટ, તા. ૧૬ :. ગોંડલ રોડ પર બોમ્બે હોટલ પાસે ધોળા દિવસે હ્યુન્ડાઈના શો રૂમના કર્મચારીની આંખમાં મરચુ છાંટી બે બુકાનીધારી બાઈકસવાર શખ્સો છ લાખની રોકડ ભરેલા થેલાની લૂંટ ચલાવવાના બનાવમાં લૂંટારૂઓએ લૂંટમાં ઉપયોગમાં લેવાયેલ એકટીવા પોલીસને કુવાડવા પાસેથી રેઢુ મળી આવ્યુ હતું.

પ્રાપ્ત વિગતો મુજબ હ્યુન્ડાઈના શો રૂમમા નોકરી કરતા દિલીપભાઈ શાંતિલાલ ચૌહાણ(ઉ.વ. ૨૩, રહે. મહેશ્વરી સોસાયટી શેરી નં. ૨)  નામના કર્મચારી ગઈકાલે  બપોરે શો રૂમમાં આવેલ ૬ લાખની રોકડ રકમ અને આઠ ચેક સાથેનો થેલો ટુવ્હીલરમાં બે પગ વચ્ચે રાખી યાજ્ઞિક રોડ પર આવેલી  એચડીએફસી બેન્કમાં જમા કરાવવા જતા હતા ત્યારે ગોંડલ રોડ પર બોમ્બે હોટલ પાસે રાજ પાંઉભાજી નજીક બાઈકમા આવેલા બે બુકાનીધારી શખ્સોએ બાઈક આડુ નાખી દિલીપભાઈની આંખમાં મરચુ છાંટી એકટીવાની આગળ ૬ લાખની રોકડ રકમ ભરેલો થેલો લૂંટી નાસી ગયા હતા.

દિલીપભાઈએ દેકારો કરતા લોકોના ટોળા એકત્ર થઈ ગયા હતા જો કે તે પૂર્વે બન્ને બુકાનીધારી શખ્સો તેનુ કામ પુરૂ કરી છુ થઈ ગયા હતા. બનાવ અંગે એ-ડિવીઝન પોલીસને જાણ કરાતા પી.આઈ. વિજય ઓડેદરા, રાયટર રણજીતસિંહ અને વિજયસિંહ  સહિતનો કાફલો ઘટના સ્થળે દોડી જઈ તપાસ શરૂ કરી હતી અને પોલીસે શો રૂમના કર્મચારી દિલીપ ચૌહાણની ફરીયાદ દાખલ કરી હતી અને પોલીસે સીસીટીવી ફુટેજને આધારે તપાસનો ધમધમાટ શરૂ કર્યો હતો. આ પ્રકરણમાં બુકાનીધારી શખ્સો એકટીવામાં આવ્યા હતા. તે એકટીવા કુવાડવા નજીકથી મળી આવતા નજીકના દિવસોમાં જ લૂંટનો ભેદ ઉકેલાવાની  શકયતા  વ્યાપી રહી છે.

(4:13 pm IST)
  • દિલ્હીમાં તોફાની પવન સાથે વરસાદની આગાહીઃ ગઇ રાત્રે તુટી પડેલ : આજે દિલ્હી- એનસીઆરમાં જોરદાર પવન સાથે વરસાદની હવામાન ખાતાની આગાહીઃ કાલે મોડી રાત્રે રાજધાનીમાં જોરદાર વાવાઝોડા સાથે અમુક વિસ્તારોમાં વરસાદ પડેલ access_time 12:30 pm IST

  • કર્ણાટકમાં કોંગ્રેસ - જેડીએસ ધારાસભ્યો રાજભવન પહોંચ્યા : ઓળખ પરેડની ના પાડી દેવાઈ કર્ણાટકમાં કોંગ્રેસ - જેડીએસના ગઠબંધને સરકાર રચવાના દાવા સાથે આજે બપોર બાદ તેના ધારાસભ્યોની ફૌજ લઇ રાજભવન પહોંચ્યા હતા : માત્ર ૧૦ ધારાસભ્યોને રાજભવનમાં પ્રવેશ આપવા સહમતી : ઓળખ પરેડની મનાઇ ફરમાવી દેવાઈ access_time 6:09 pm IST

  • જમ્મુ-કાશ્મીરના ત્રાલ ખાતે રાષ્ટ્રીય રાયફલ પેટ્રોલીંગ પાર્ટી ઉપર ત્રાસવાદી હુમલો ! સુરક્ષા દળોએ સમગ્ર વિસ્તાર ઘેરી લીધો access_time 11:23 am IST