Gujarati News

Gujarati News

News of Monday, 16th April 2018

ગાંધીગ્રામમાં આઇપીએલનો સટ્ટો રમતાં બે શખ્સ પકડાયા

રાજકોટ તા. ૧૬: આઇપીએલ ક્રિકેટ ટૂર્નામેન્ટ પર સટ્ટો રમતાં વધુ બે શખ્સ પોલીસની ઝપટમાં આવ્યા હતાં.

ગાંધીગ્રામના પી.આઇ. એચ. આર. ભાટુની રાહબરીમાં પી.એસ.આઇ. આર. જે. જાડેજા, હેડકોન્સ. પ્રવિણભાઇ મકવાણા, યુવરાજસિંહ, કુલદીપસિંહ સહિતનો સ્ટાફ પેટ્રોલીંગમાં હતો ત્યારે ગાંધીગ્રામ-૭માં અંબે પાન પાસે ઉભા રહી બે શખ્સો મોબાઇલ ફોન પર કિંગ્સ ઇલેવન પંજાબ તથા ચેન્નઇ સુપરકિંગના મેચ પર સટ્ટો રમતાં હોવાની માહિતી મળતાં દરોડો પાડી જયેશ દિનેશભાઇ આહ્યા (ઉ.૩૬) તથા કિરીટ યશવંતરાય દરજી (રહે. ગુ.હા. બોર્ડ દૂધ સાગર રોડ)ને પકડી લઇ રૂ. ૫૨૦ રોકડા, બે મોબાઇલ ફોન મળી ૧૦૨૫૦નો મુદ્દામાલ કબ્જે લીધો હતો. (૧૪.૧૦)

(1:59 pm IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • પાકિસ્તાનમાં સુપ્રિમના જજ પર ફાયરિંગ નવાઝ શરીફને ચૂંટણી લડવા પર પ્રતિબંધ મૂકનાર જજ ઈજાજુલ અહસન પર સતત હુમલાઃ ઘર પર હુમલો કર્યા બાદ સવારે જજ પર ગોળીબારો થયાઃ જજ બચી ગયાના સમાચાર મળે છે access_time 11:30 am IST

  • પૂર્વ સાંસદોને અપાનાર પગાર, ભથ્થા અને પેન્સનની બંધારણીય જોગવાઇને પડકારતી રીટ પીટીશન સુપ્રિમ કોર્ટે આજે ફગાવી દીધી છે access_time 12:46 pm IST