Gujarati News

Gujarati News

News of Saturday, 13th January 2018

કાલે પતંગપ્રેમીઓ મોજથી પતંગ ઉડાડજો : પવન દેવતાનું જોર રહેશે

આવતા અઠવાડીયામાં લઘુતમ તાપમાનમાં ક્રમશઃ ઘટાડો નોંધાશે : અશોકભાઈ પટેલ : સવારથી પવનનું જોર જોવા મળશે, બપોરે લંચબ્રેક સમયે ગતિ ઓછી રહેશે, સાંજના પવનની ઝડપ વધશે

રાજકોટ, તા. ૧૩ : પતંગપ્રેમીઓ આવતીકાલે મોજથી પતંગ ઉડાવી શકશે. પવનદેવતાનું જોર રહેશે. દિવસ દરમિયાન પતંગપ્રેમીઓને મજા પડી જશે. બપોરે લંચબ્રેકના સમયે પવનનું જોર ઘટશે. સાંજના અને રાત્રીના સમયે પવનની ગતિ વધુ જોવા મળશે. તેમ વેધરએનાલીસ્ટ શ્રી અશોકભાઈ પટેલે જણાવ્યુ હતું.

અશોકભાઈએ વધુમાં જણાવેલ કે ગત સપ્તાહમાં આપેલી આગાહી મુજબ તાપમાનમાં ક્રમશઃ વધારો જોવા મળેલ. છેલ્લા બે ત્રણ દિવસથી આકાશ ધુંધળુ  અને કયાંક - કયાંક વાદળા છવાય છે. દિવસનું તાપમાન નોર્મલથી બે - ત્રણ ડિગ્રી નીચુ ગયુ છે. ન્યુનતમ તાપમાનમાં ૫ થી ૭ ડિગ્રી નોર્મલથી ઉંચુ નોંધાયુ છે. જેમ કે અમદાવાદ ૧૮.૫ (નોર્મલથી ૬ ડિગ્રી ઉંચુ) રાજકોટ ૧૮.૩ (નોર્મલથી ૬ ડિગ્રી ઉંચુ) અમરેલી ૧૭.૭ અને ભુજ ૧૫.૯ (બંને નોર્મલથી ૭ ડિગ્રી ઉંચુ) છે. હાલ ઠંડી ગાયબ થઈ ગઈ છે.

તા.૧૩ થી ૨૦ (શનિથી શનિ) દરમિયાન હજુ ન્યુનતમ તાપમાન નોર્મલથી ઉંચુતા.૧૩ થી ૧૬ સુધી ક્રમશઃ આંશિક ઘટશે. તા.૧૭ થી ૨૦ દરમિયાન ન્યુનતમ તાપમાનમાં ચાર - પાંચ ડિગ્રી જેવો ઘટાડો જોવા મળે તેમ છતાં નોર્મલ તાપમાનથી એકાદ ડિગ્રી ઉંચુ રહે તેવી શકયતા છે. પવનો ઉત્તર - પૂર્વ અને કયારેક પૂર્વના તા.૧૭-૧૮ના અમુક વિસ્તારમાં પવન ઉત્તર પશ્ચિમના ફૂંકાશે જેથી કચ્છ અને લાગુ ઓખા દ્વારકા વિસ્તારમાં ઝાકળની શકયતા થાય.

આવતીકાલે પતંગ માટે વાતાવરણ સારૂ રહેશે. બપોરે લંચબ્રેક સમયે પવનની ગતિ ઓછી રહેશે. રાત્રીના સમયે પવન વધુ જોવા મળશે. પવન ઉત્તર - પૂર્વ દિશામાંથી પવન ફૂંકાશે. સાંજના પવનનું જોર વધુ જોવા મળશે.

(1:06 pm IST)
  • ગાંધીનગર : SRPના PSIનો રીવોલ્વરથી આપઘાતનો પ્રયાસઃ સેકટર ૨૭માં રહેતા હતા access_time 12:51 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 11:57 am IST