Gujarati News

Gujarati News

News of Friday, 20th November 2020

૮, ૫, ૩ અને ૧ાા વર્ષના ચાર ભાંડરડાને માલવીયાનગર પોલીસની ટીમે આપી હુંફઃ બાલાશ્રમમાં પહોંચાડ્યા

પિતા ઘરે આવતા નહોતાં, માતાનું મૃત્યુ થયું છે...ભગવતીપરામાંથી મવડી ઓવરબ્રિજ નીચે અઠવાડીયાથી રહેવા મજબૂર થયા'તા : ચાઇલ્ડ વેલફેર ઓફિસરની મદદથી બાળકોની પૃછા કર્યા બાદ પોલીસ મથકે લાવી નવડાવી, નવા કપડા અપાવી ભરપેટ જમાડ્યાઃ પોલીસ સમયાંતરે આ બાળકોની મુલાકાત લઇ ખબર પુછતી રહેશે

રાજકોટ તા. ૨૦: મવડી ઓવર બ્રિજ નીચે છેલ્લા એકાદ અઠવાડીયાથી ચાર નાના નાના બાળકો એકલા રહેતાં હોવાની જાણ જાગૃત નાગરિકે ચાઇલ્ડ હેલ્પલાઇન ૧૦૯૮માં કરતાં તેમના પ્રતિનિધી નિદરભાઇ ભટ્ટે માલવીયાનગર પોલીસને જાણ કરતાં પીઆઇ કે. એન. ભુકણ, પીએસઆઇ વી. કે. ઝાલા સહિતે ત્યાં પહોંચી ચાઇલ્ડ વેલફેર ઓફિસર કાજલબેન માઢક દ્વારા આ બાળકો પાસેથી તેમને ફોસલવાની હુંફ આપીને માહિતી મેળવવામાં આવતાં કરૂણ કહાની બહાર આવી હતી.

બાળકોમાં સોૈથી મોટી બહેને પોતાનું નામ તેજલ રામુભાઇ વાણીયા (દેવીપૂજક) (ઉ.વ.૮) કહ્યુ઼ હતું. તેમજ સાથેના ત્રણ બાળકો તેના ભાઇ-બહેન અજય (ઉ.વ.૫ાા), પાયલ (ઉ.વ.૩) અને વિજય (ઉ.વ.૧ાા) હોવાનું કહ્યું હતું. વધુ તપાસ થતાં જાણવા મળ્યું હતું કે અગાઉ આ બાળકો ભગવતીપરા પુલ નીચે માતા ઉષાબેન સાથે રહેતાં હતાં. પિતા વર્ષોથી તેને છોડીને જતાં રહ્યા છે. માતા આ ચારેયનું ભરણપોષણ કરતી હતી. પણ તેણીનું ચાર મહિના પહેલા અવસાન થતાં આ ચારેય માસુમ નોધારા થઇ ગયા હતાં અને અઠવાડીયા પહેલા રખડતા ભટકતા મવડી ઓવર બ્રિજ નીચે આવીને રહેવા માંડ્યાનું બહાર આવ્યું હતું.

પોલીસ કમિશનર મનોજ અગ્રવાલ, જેસીણી ખુરશીદ અહેમદ, ડીસીપી મનોહરસિંહ જાડેજા, એસીપી જે. એસ. ગેડમે બાળકોના જીવનનું ઉત્થાન થાય અને તેઓ ભિક્ષાવૃતિ છોડી દે તે માટે કાર્યવાહી કરવા સુચન કરતાં પીઆઇ કે. એન. ભુકણ, પીએસઆઇ વી. કે. ઝાલા સહિતની ટીમ બાળકોને પોલીસ સ્ટેશને લઇ ગઇ હતી. ત્યાં બધાને નવડાવવાની, નવા કપડાની વ્યવસ્થા કરાઇ હતી. એ પછી ભરપેટ ભોજન કરાવ્યું હતું અને ભવિષ્યની ચિંતાને ધ્યાને રાખી બાલાશ્રમમાં મુકવાની કાર્યવાહી કરી હતી. આ બાળકોનું બરાબર પાલન પોષણ થાય એ માટે થઇને પોલીસ સમયાંતરે તેની ખબર પુછતી રહેશે અને જરૂરી તમામ મદદ કરશે. તેવો નિર્ણય પીઆઇ ભુકણ અને ટીમે લીધો હતો.

(3:46 pm IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST