Gujarati News

Gujarati News

News of Friday, 20th November 2020

ઘનશ્યામનગરના વિશાલ મેણીયાને જામનગર રોડ બગીચા પાસેથી પોપટપરા લઇ જઇ ધોલાઇ

પ્રેમપ્રકરણ કારણભુત હોવાની ચર્ચાઃ વહેલી સવારે મળવા આવ્યો ત્યાંથી ભાવેશ સહિતના કારમાં લઇ ગયા બાદ માર માર્યાનો આક્ષેપ

રાજકોટ તા. ૨૦: કોઠારીયા રોડ ઘનશ્યામનગર સન કંપની સામે રહેતાં વિશાલ દિનેશભાઇ મેણીયા (કોળી) (ઉ.વ.૨૧) નામના યુવાનને જામનગર રોડ પર એરપોર્ટના છેડે આવેલા બગીચા પાસેથી કારમાં પોપટપરામાં લઇ જઇ ત્યાં ધોલધપાટ કરવામાં આવતાં સિવિલ હોસ્પિટલમાં દાખલ થતાં ચોકીના સ્ટાફે ગાંધીગ્રામ પોલીસને જાણ કરી હતી.

વિશાલ કારખાનામાં મજૂરી કરે છે. તેના કહેવા મુજબ તેને એક છોકરી સાથે પ્રેમ હોઇ વહેલી સવારે એરપોર્ટ પાસેના બગીચા પાસે તેણીને મળવા ગયો હતો. એ પછી તેના સગા ભાવેશ સહિતના આવી જતાં પોતાને કારમાં બેસાડી પોપટપરા જેલ પાસે લઇ ગયા હતાં અને ધોકાથી તેમજ ઢીકા-પાટુનો માર માર્યો હતો. પોલીસે આક્ષેપો અંગે તપાસ હાથ ધરી છે.

(3:30 pm IST)
  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST