Gujarati News

Gujarati News

News of Friday, 20th November 2020

રાજકોટવાસીઓ ચેતજો : એન્ટીજન કીટની અછત

એક તરફ કોરોના વકરી રહ્યો છે બીજી તરફ કીટ નહી ફાળવવામાં આવતા વોર્ડ પ્રભારીઓ મુશ્કેલીમાં : ટેસ્ટીંગનું પ્રમાણ ઘટતા કોરોના સંક્રમણ વધવા લાગ્યુ

રાજકોટ તા. ૨૦ : શહેરમાં કોરોનાની બીજી લહેર ઝડપથી પ્રસરી રહી છે. છેલ્લા અઠવાડિયાથી રોજના ૮૦ - ૯૦ કેસ આવી રહ્યા છે ત્યારે મેયર બીનાબેન આચાર્યએ ટેસ્ટીંગ વધારવાની સૂચના આપી છે પરંતુ એન્ટીજન કીટની અછત હોય વોર્ડ પ્રભારીઓ મુશ્કેલીમાં મુકાયા છે.

આ અંગે વિશ્વસનિય સૂત્રોમાંથી પ્રાપ્ત વિગતો મુજબ છેલ્લા અઠવાડિયાથી કોરોના સંક્રમણ વધતા હવે શહેરમાં ટેસ્ટીંગ કેમ્પ, ટેસ્ટીંગ બુથ અને સર્વેલન્સની કામગીરી જોરશોરથી શરૂ કરાઇ છે પરંતુ 'ખાટલે મોટી ખોટ' એ ઉકિત મુજબ ટેસ્ટીંગ માટેની એન્ટીજન કીટની અછત ઉભી થઇ છે. અગાઉ રોજની ૬૦૦૦ કીટ અપાતી હતી પરંતુ હવે રોજની માત્ર ૩૦૦૦ એન્ટીજન કીટ અપાઇ રહી છે. આમ, કીટની અછત હોવાથી પૂરતા પ્રમાણમાં ટેસ્ટીંગ થઇ શકતુ નથી. પરિણામે વોર્ડના પ્રભારીઓ મુશ્કેલીમાં મુકાયા છે. બીજી તરફ ટેસ્ટીંગ નહી થતાં કોરોના સંક્રમણ વધવાની શકયતાઓ છે ત્યારે હવે લોકોએ સ્વૈચ્છીક રીતે જ સોશ્યલ ડીસ્ટન્સીંગ, માસ્ક અને હેન્ડવોશ તથા સેનીટાઇઝેશન જેવી બાબતોમાં સાવચેતી રાખવી જરૂરી છે.

મ.ન.પા.ના સ્ટાફની  રજાઓ કેન્સલ

રાજકોટ : કોરોના સંક્રમણ વધતા મ.ન.પા.ના તંત્ર દ્વારા કોરોના કાબુમાં લેવા માટે ઝુંબેશાત્મક કામગીરી શરૂ કરાઇ છે. આ માટે તમામ સ્ટાફની રજા રદ્દ કરવામાં આવી છે. જ્યારે મ્યુ. કમિશનર હાલ રજા પર છે.

(3:06 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • ગુજરાત પ્રદેશ ભાજપના માળખાની આજે જાહેરાત થવા સંભાવના access_time 4:24 pm IST