Gujarati News

Gujarati News

News of Friday, 20th November 2020

હાલ રાજકોટ જીલ્લામાં એક પણ ખાનગી હોસ્પિટલ બંધ નહીં થવા દેવાય : સ્થિતિ કાબુમાં જ છે

જે પાંચ હોસ્પિટલને પ૦ ટકા બેડ અંગે બંધની મંજુરી અપાઇ છે તે પણ જરૂર પડયે લઇ લેવાશે : કોરોનાની બીજી લહેર અંગે ડીસેમ્બરના પ્રથમ વીકમાં જાણી શકાશે : કલેકટરની 'અકિલા' સાથે વાતચીત

રાજકોટ, તા.ર૦ : જીલ્લા કલેકટર શ્રી રેમ્યા મોહને આજે સવારે 'અકિલા' સાથેની ટેલીફોનિક વાતચીતમાં જણાવ્યું હતું કે, હાલ શહેર-જીલ્લામાં કોરોના અંગે એવી કોઇ સ્થિતિ ગંભીર નથી, સ્થિતિ કાબુમાં જ છે અને વિસ્તારવાઇઝ દરેક પ્રાંત મામલતદાર તથા પોલીસની ટીમો દ્વારા રિવ્યુ લેવાઇ રહ્યા છે. સોશ્યલ ડીસ્ટન્સ-માસ્ક અંગે આજથી જ ખાસ ચેકીંગ શરૂ કરી દેવાયું છે.

હોસ્પિટલો અંગે આજે ફરી તેમણે કહ્યું હતું કે, એક પણ ખાનગી હોસ્પિટલને બંધ નહીં થવા દેવાય, જે કોવિડ-૧૯ હોસ્પિટલ છે, ત્યાં દર્દી જશે તો તે હોસ્પિટલે દર્દીને લેવા જ પડશે, કોઇ ના નહિ પાડી શકે. તેમણે જણાવેલ કે જે પ મૂળ હોસ્પિટલને પ૦ ટકા બેડ સંદર્ભે બંધની મંજુરી અપાયેલ તે હોસ્પિટલને પણ કહી દેવાયું છે, કે આ તમામ પાંચેય હોસ્પિટલ જરૂર પડયે તંત્ર લઇ લેશે, તે અંગે ચેકીંગ કરવા ટીમોને સૂચના આપી છે.

કોરોનાની આ બીજી લહેર-તબક્કો ગણી શકાય કે કેમ તે અંગે કલેકટરે જણાવેલ કે ના એવું નથી, આ કહેવુ વહેલુ છે, લોકો તહેવારોમાં બહાર નીકળ્યા, ટોળા થયા, તેના કારણે કેસોમાં વધારો થયો છે, કોરાનાની બીજી લહેર-તબક્કો આવ્યો છે કે કેમ તે અંગે ડીસેમ્બરના પહેલા વીકમાં જાણી શકાશે, હાલ તો તમામ સરકારી-ખાનગી હોસ્પિટલોના ડોકટરો-નર્સને એલર્ટ રહેવા, રજા નહિ લેવા સૂચના અપાઇ ગઇ છે.

(3:05 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST