Gujarati News

Gujarati News

News of Friday, 20th November 2020

મહારાષ્ટ્રના નાગપાડામાં સગીરા પર બળાત્કાર ગુજારનાર અજીત યાદવ રાજકોટમાં પકડાયો

થોરાળા પોલીસે યુપીના શખ્સને મયુરનગરમાંથી દબોચ્યો

રાજકોટ તા. ૨૦ : મહારાષ્ટ્રના નાગપાડા વિસ્તારમાં રહેતી સગીરા સાથે દુષ્કર્મ આચરનાર ઉત્તરપ્રદેશના મનીયારા ગામના શખ્સને થોરાળા પોલીસે મયુરનગરમાંથી પકડી લીધો હતો. મળતી વિગત મુજબ મહારાષ્ટ્રના નાગપાડા વિસ્તારમાં રહેતી સગીરાને પ્રેમજાળમાં ફસાવી ઉત્તરપ્રદેશના કેરાકત તાલુકાના મનીયારા ગામનો અજીત શ્રીયારામ યાદવ (ઉ.૨૧) એ સગીરા સાથે બળાત્કાર ગુજાર્યો હોવાની નાગપાડા પોલીસ મથકમાં ફરિયાદ થઇ હતી. ફરિયાદ નોંધાતા અજીત યાદવ ફરાર થઇ ગયો હતો. દરમિયાન આ શખ્સ રાજકોટના થોરાળા વિસ્તારમાં હોવાની મહારાષ્ટ્ર પોલીસને બાતમી મળતા થોરાળા પોલીસને જાણ કરતા પીઆઇ જી.એમ.હડીયાના માર્ગદર્શન હેઠળ પીએસઆઇ જી.એસ.ગઢવી, હેડ કોન્સ. ભૂપતભાઇ વાસાણી, કોન્સ. નરસંગભાઇ, વિજયભાઇ, જયદીપભાઇ, કિરણભાઇ, સહદેવસિંહ, યુવરાજસિંહ અને રમેશભાઇ સહિતે મયુરનગર મેઇન રોડ સીંગના કારખાના પાછળ સતનામ ડેલામાંથી અજીત શ્રીયારસ યાદવ (ઉ.૨૧) (રહે. મનીયારા)ને પકડી લઇ મહારાષ્ટ્ર પોલીસને સોંપ્યો હતો.

(2:46 pm IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST