Gujarati News

Gujarati News

News of Friday, 20th November 2020

રવિવારના બૂથ ઉપરના કાર્યક્રમ સંદર્ભે મુખ્ય ચૂંટણી અધિકારીની કલેકટરો સાથે વીસી

અમદાવાદમાં પ૭ કલાકનો કફર્યુ છે... ત્યાં બુથ ઉપરની ઝૂંબેશ કેમ કરવી?! : બપોરે ૧ વાગ્યાથી જીલ્લા વાઇઝ રીવ્યુઃ કોરોના વિફરતા બૂથ ઉપરની ઝૂંબેશ કેન્સલની શકયતા

રાજકોટ તા. ર૦ :.. હાલ રાજકોટ સહિત રાજયભરમાં ચૂંટણી પંચનો મતદાર યાદી સુધારણા કાર્યક્રમ ચાલી રહ્યો છે, આગામી તા. રરના રવિવારે બૂથ ઉપર ખાસ ઝૂંબેશ અને લોકો પોતાના નામ ઉમેરવા, કમી, સુધારણા અંગેની ફોર્મ જારી શકે તે માટે આખો દિવસ બૂથ લેવલ ઓફીસરો બેસશે.

આજે આ સંદર્ભે રાજયના મુખ્ય ચૂંટણી અધિકારી શ્રી મુરલી ક્રિષ્ણનની રાજકોટ સહિત રાજયભરના કલેકટરો સાથે ખાસ વીસી બપોરે ૧ વાગ્યાથી યોજાઇ છે, જેમાં જીલ્લા વાઇઝ થઇ રહેલ કામગીરીની સમીક્ષા, રવિવારે બૂથ ઉપરની ઝૂંબેશ - તૈયારીની સમીક્ષા, અને કોરોનાની સ્થિતિ અંગે રીપોર્ટ જાણી ત્યારબાદના નવી સુચના નિર્ણય લેવાશે.

અત્રે એ નોંધનીય છે કે રાજકોટમાં ભાજપ-કોંગ્રેસ બંને પક્ષો ફોર્મ ભરાવતા હોય છે, અમુક બૂથ ઉપર મતદારો ઉમટતા પણ હોય છે, એવામાં કોરોના બેકાબૂ હોય, સ્થિતિ વધુ બગડે તો તેવો પણ ભય રાજકોટના જીલ્લા વહીવટી તંત્રને સતાવી રહ્યો છે, કલેકટર દ્વારા કોરોનાની સ્થિતિ અંગે રીપોર્ટ દેવાશે, બીજી બાજુ અમદાવાદમાં પ૭ કલાકનો કફર્યુ નાખી દેવાયો છે, એટલે ત્યાં તો રવિવારની ઝૂંબેશ રદ સમાન છે, આજે બપોર બાદ રવિવારની ઝૂંબેશ અંગે જાણકારી મળશે.

(11:30 am IST)
  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST