Gujarati News

Gujarati News

News of Friday, 20th November 2020

નાકરાવાડીમાં બોલેરોને કારણે ગટરનું પાણી ઉડ્યું: ધ્યાન રાખવાનું કહેતાં મા-દિકરા પર હુમલોઃ બાટલી-પથ્થરના ઘા

ભરત ભરવાડ સહિત પાંચ જણે ધોકાથી જયશ્રીબેન ગઢવી અને પુત્ર ગોૈતમને ઇજા પહોંચાડીઃ ઘરમાં સોડા બોટલો અને પથ્થરના ઘા કર્યાઃ એકટીવામાં પણ તોડફોડ

રાજકોટ તા. ૧૯: કુવાડવા રોડ સાત હનુમાન નજીક નાકરાવાડીમાં રહેતાં જયશ્રીબેન (જશુબેન) જીગરદાન પાલીયા (ગઢવી) (ઉ.વ.૩૫) તથા તેમના પુત્ર ગોૈતમ (ઉ.વ.૧૭) પર ભરત ભરવાડ તથા બીજા ચાર અજાણ્યા શખ્સોએ ધોકાથી હુમલો કરી ગાળો દઇ મારકુટ કરતાં તેમજ ઘરમાં સોડા બોટલોના અને પથ્થરના ઘા કરતાં માતા-પુત્રને ઇજાઓ થતાં બંનેને સિવિલ હોસ્પિટલમાં ખસેડાયા હતાં.

કુવાડવાના એએસઆઇ નિરવભાઇએ જયશ્રીબેનના પતિ જીગરદાન કુંભદાન પાલીયાની ફરિયાદ પરથી ભરત સહિત પાંચ સામે ગુનો નોંધ્યો હતો. જીગરદાને ફયિરાદમાં લખાવ્યું છે કે ભરત બોલેરો લઇને નીકળતાં ગટરનું પાણી જીગરદાનના પત્નિ જયશ્રીબેનને ઉડ્યું હતું. આથી ભરતનેધ્યાન રાખીને ચલાવવાનું કહેતાં બીજા શખ્સો સાથે મળી હુમલો કર્યો હતો. જયશ્રીબેનને ધોકાથી માર માર્યો હતો. ઘરમાં પથ્થરમારો, બોટલોના ઘા કરતાં પુત્ર ગોૈતમને ઇજા થઇ હતી. આ ઉપરાંત આ શખ્સોએ એકટીવામાં પણ તોડફોડ કરી નુકસાન પહોંચાડ્યું હતું. તેમ ફરિયાદમાં જણાવાતાં પોલીસે વિશેષ તપાસ હાથ ધરી છે.

(3:10 pm IST)
  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST