Gujarati News

Gujarati News

News of Wednesday, 20th November 2019

ઝોન-૧ના ૬ પોલીસ મથકોની અરજી નિવારણનો કાર્યક્રમઃ ૭૦ અરજદાર આવ્યાઃ ૨૦માં સમાધાન, બેમાં ગુનો નોંધવા સુચન

બી-ડિવીઝન પોલીસ સ્ટેશન ખાતે ડીસીપી રવિમોહન સૈની અને તમામ પોલીસ ઇન્સ્પેકટર તથા સ્ટાફની હાજરીમાં અરજદારોને શાંતિપૂર્વક સાંભળી સ્થળ પર પ્રશ્નોનો નિકાલ કરવામાં આવ્યો

રાજકોટઃ શહેરના ઝોન-૧માં આવતાં છ પોલીસ સ્ટેશનોમાં આવેલી અરજીઓના નિવારણ માટેનો એક ખાસ કાર્યક્રમ આજે બી-ડિવીઝન પોલીસ સ્ટેશન ખાતે સવારે ૯ થી ૨ સુધી યોજાયો હતો. જેમાં મોટી સંખ્યામાં અરજદારો વિવિધ પ્રશ્નો સાથે ઉપસ્થિત રહ્યા હતાં. અલગ-અલગ અરજીઓના  નિકાલ માટેનું આયોજન ડીસીપી ઝોન-૧ રવિમોહન સૈનીએ પોલીસ કમિશનર મનોજ અગ્રવાલ અને જેસીપી ખુરશીદ અહેમદની રાહબરીમાં કર્યુ હતું. જેમાં ઝોન-૧ના બી-ડિવીઝન, એ-ડિવીઝન, થોરાળા પોલીસ સ્ટેશન, કુવાડવા રોડ પોલીસ સ્ટેશન, આજીડેમ પોલીસ સ્ટેશન અને ભકિતનગર પોલીસ સ્ટેશનમાં થયેલી અરજીઓ અંતર્ગત ૭૦ અરજદારો હાજર રહ્યા હતાં. જેમાંથી ૨૦ અરજીઓમાં સુખદ સમાધાન થયું હતું. તો બે અરજીમા ગુનો બનતો હોઇ કાર્યવાહી કરવા જે તે પોલીસ મથકના તપાસનીશને સુચના અપાઇ હતી. લોકોનો સમય શકિત વેડફાય નહિ અને ઉપરી અધિકારીઓની કચેરી સુધી રજૂઆત કરવા જવું ન પડે તે હેતુથી આ અરજી નિવારણનો લોક દરબાર રાખવામાં આવ્યો હતો. એસીપી એસ.આર. ટંડેલ પણ ખાસ હાજર રહ્યા હતાં.  આ કાર્યક્રમમાં આ તમામ પોલીસ મથકના પી.આઇ. વી. જે. ફર્નાન્ડીઝ, એન. કે. જાડેજા, એસ.એન. ગડ્ડુ, એમ.આર. પરમાર, એમ. જે. પરમાર, વી. કે. ગઢવી તથા બીજો સ્ટાફ હાજર રહ્યો હતો.

(3:46 pm IST)
  • વધુ પડતી કિંમતને લીધે આંધ્રપ્રદેશ સરકારે ઇલેક્ટ્રિક બસો મુકવાનું માંડી વાળ્યું access_time 10:01 pm IST

  • પાકિસ્તાને ભારત સાથે અંશતઃ પોસ્ટલ સેવા ફરી શરૂ કરી : પાકિસ્તાને પોતાની ભુલ સુધારતા ત્રણ મહિના સુધી પોસ્ટલ સર્વિસ અટકાવી રાખ્યા બાદ ભારત સાથે ટપાલ સેવા ફરીથી શરૂ કરી છે. જોકે પેકેજ-પાર્સલો બંધ રાખ્યા છે. ભારત દ્વારા જમ્મુ અને કાશ્મીરનો વિશેષ દરજ્જો ખતમ કરાયા બાદ પાકિસ્તાને બંને દેશ વચ્ચે પોસ્ટલ સેવા બંધ કરી હતી. access_time 11:33 am IST

  • ૪ વર્ષથી મોટા બાળકો માટે પણ હેલ્મેટ ફરજીયાત : કેરળ હાઇકોર્ટ : કોચી : કેરળ હાઇકોર્ટે ટુ વ્હીલર ચાલકોની પાછળ બેસનાર માટે પણ હેલ્મેટ ફરજીયાત કરવાનો નિર્ણય લીધો જેમાં ૪ વર્ષથી વધુ ઉંમરના બાળકોનો પણ સમાવેશ થાય છે. કોર્ટે રાજય સરકારને નવા નિયમો અંગે લોકોને જાણ કરવા નોટીસ આપવા તથા હોર્ડીંગ લગાવવાનો આદેશ આપ્યો access_time 11:47 am IST