Gujarati News

Gujarati News

News of Saturday, 20th October 2018

રાજકોટ ચેમ્બરમાં નોટીસ અને ખુલાસાઓની મોસમ

તપાસ સમીતીએ સાત સભ્યોને નોટીસ આપી ખુલાસો માંગ્યોઃ કારોબારીએ પણ સમિતિને પત્ર લખ્યોઃ વિવિધ મુદ્દદે સ્પષ્ટતા કરી

રાજકોટ તા. ર૦ : રાજકોટ ચેમ્બર ઓફ કોમર્સમાં નોટીશ અને ખુલાસાઓની મોસમ ખીલી હોવાનું જાણવા મળેછે વેપારીઓના પ્રશ્નો ઉકેલવાને બદલે આંતરીક લડાઇમાં શકિત વેડફાતી હોવાનો સૂર એજીએમમાં ઉઠેલા સાત સભ્યોને ગેરલાયક ઠેરવવાના મુદ્દે રચવામાં આવેલી તપાસ સમિતીએ જે લોકોને ગેરલાયક ઠેરવવા માંગણી થઇ હતી તે તમામ સાત સભ્યોને નોટીશ આપી સોમવાર સુધીમાં ખુલાસો કરવા જણાવ્યું છે. રમણીકભાઇ જસાણી, રમેશભાઇ ટીલાળા વગેરેના નેતૃત્વમાં રચાયેલી સમિતી સભ્યોને ગેરલાયક ઠેરવવાના મુદ્દે ચકાસણી કરી રહી છે. તો બીજી તરફ કારોબારીના પંદર જેટલા સભ્યોએ આ તપાસ સમિતીને એક પત્ર લખી જણાવ્યું છે કે જે કારોબારી સભ્યો જે તે સમયે ગેરહાજર રહ્યા હતા તેઓએ અગાઉથી મંજુરી લીધેલી હતી અને તેઓનો રજા રીપોર્ટ પણ મંજુર કરવામાં આવ્યો હતો. ચેમ્બરમાં પ્રમુખ અને મંત્રી જ સર્વોપરી હોય છે અને તેઓ સમગ્ર વ્યવસ્થાતંત્ર અને સંચાલન સંભાળતા હોય છે. પત્રમાં એવુ પણ જણાવાયું છે. કે જે લોકો પરાજય સહન કરી શકયા નથી તેઓએ ગેરલાયક ઠેરવવાનો મુદ્દો ઉઠાવી બિનજરૂરી વિવાદ ઉભો કરવાનો પ્રયાસ કર્યો છે. આ બાબતને ધ્યાનમાં લઇને તપાસ સમિતીએ અગાઉના હોદ્દેદારો શિવલાલ બારસીયા અને વી.પી. વૈષ્ણવને પણ નોટીશ આપી ખુલાસો પુછયો હોવાનું જાણવા મળે છે. અત્રે એ નોંધનીય છે કે ગયા મહીને યોજાયેલી એજીએમમાં કારોબારીમાં ત્રણથી વધુ વખત ગેરહાજર રહેલ સભ્યોને બંધારણ મુજબ ગેરલાયક ઠેરવવા તથા ગેરકાયદેસર રીતે કારોબારીના સભ્યો બનેલા મુકેશ દોશીને ગેરલાયક ઠેરવવા અને ઉપેન મોદીને જરૂરી દસ્તાવેજો રજુ કરવા માંગ ઉઠી હતી. જે પછી સાત સભ્યોની કમીટી નીમવા નિર્ણય લેવાયો હતો અને આ કમીટીને બંધારણના પાસાઓ તપાસવા જણાવાયું હતું. ચેમ્બર વેપારીઓના હિતમાં કામ કરવાને બદલે આંતરીક ખેંચતાણમાં વ્યસ્ત રહેતા વેપારીઓમાં ભારે રોષ ઉભો થયો હોવાનું પણ જાણવા મળે છે.(૬.૨૦)

(4:03 pm IST)
  • અમદાવાદ: સરદાર પટેલની જયંતીએ 22મી ઓક્ટોબરે એકતા યાત્રા વિષયે સ્પર્ધા યોજવા આદેશ:પરીક્ષાના સમયે શિક્ષણ વિભાગે કર્યો આદેશ:શિક્ષણ વિભાગના પરિપત્રથી આચાર્યો અને સચાલકોમાં નારાજગી:વેકેશન પૂર્ણ થયા બાદ સ્પર્ધાનું આયોજન access_time 8:37 pm IST

  • સુરત: શહેરમાં સ્વાઈન ફ્લુમાં વધુ 3 કેસ પોઝિટિવ:સ્વાઈન ફ્લૂના પોઝિટિવ કેસની સંખ્યા 112 થઈ:પનાસના 20 વર્ષીય યુવકનો રિપોર્ટ પોઝિટિવ:વેસુની 30 વર્ષની મહિલાનો રિપોર્ટ પોઝિટિવ:વેસુના 59 વર્ષીય પુરુષનો પોઝિટિવ રિપોર્ટ:22 દર્દીઓ હજુ સારવાર હેઠળ: 1ને ડિસ્ચાર્જ કરાયા access_time 9:44 pm IST

  • અમદાવાદમાં ખેડૂત સમાજની આવતી કાલે મળશે મિટિંગ:ખેડૂતોની સ્થિતિ બગડી રહી છે :રાજ્યમાં દુકાળના ડાકલા વાગી રહ્યા છે:બુલેટ ટ્રેન,સિમેન્ટ ફેકટરી,એક્સપ્રેસ હાઇવે ,સર, વિમાની ચુકવણી જેવા મુદ્દે થશે ચર્ચા:ખાતરના ભાવમાં વધારો,સિંચાઈ માટે વીજળી જેવા અનેક મુદ્દે થશે ચર્ચા access_time 5:23 pm IST