Gujarati News

Gujarati News

News of Thursday, 20th September 2018

પતિએ ફોન ઉપાડવામાં વાર લગાડતાં પ્રજાપતિ નવોઢાએ ગળાફાંસો ખાધો

અમદાવાદથી પતિએ પરિવારજનોને જાણ કરતાં જીવ બચાવી લેવાયો

રાજકોટ તા. ૨૦: મવડીની ગિરનાર સોસાયટી-૪માં ચાલીસ ફુટ રોડ પર રહેતી ડિમ્પલ હર્ષદ અમેથીયા (ઉ.૨૪) નામના પ્રજાપતિ નવોઢાએ અમદાવાદ નોકરીનો ઇન્ટરવ્યુ આપવા ગયેલા પતિએ ફોન ઉપાડવામાં સમય લગાડતાં માઠુ લાગી જતાં તેની સાથે વાત કરી રાત્રે અગિયારેક વાગ્યે ઘરમાં ચુંદડીથી ગળાફાંસો ખાઇ લીધો હતો. પતિએ આ બાબતે પરિવારજનોને જાણ કરતાં તેણીને તુરત જ બચાવી લઇ હોસ્પિટલમાં ખસેડાઇ હતી.

ડિમ્પલને સારવાર માટે સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના એએસઆઇ જગુભા ઝાલા અને રાજદિપસિંહે તાલુકા પોલીસને જાણ કરી હતી. ડિમ્પલના લગ્ન નવ મહિના પહેલા જ થયા છે. તેના માવતર રાજકોટમાં જ રહે છે. જાણવા મળ્યા મુજબ ગઇકાલે તેણીનો પતિ હર્ષદ અમદાવાદ ઇન્ટરવ્યુ આપવા ગયો હતો. રાત્રે પતિએ ફોન ઉપાડવામાં વાર લગાડતાં તેણીને માઠુ  લાગી ગયું હતું. બાદમાં પતિ સાથે વાત કરતી વેળાએ જ પોતે આ પગલું ભરતી હોવાનું કહેતાં પતિએ તાકીદે પરિવારજનોને ફોનથી જાણ કરતાં સ્વજનો ડિમ્પલના રૂમમાં ગયા હતાં અને તેણીને બચાવી લીધી હતી. તાલુકા પોલીસે નિવેદન નોંધી જરૂરી કાર્યવાહી કરી હતી. (૧૪.૬)

(3:11 pm IST)
  • અમરેલી : ધારી ગીરપૂર્વ વિસ્તારમાં છેલ્લા 11 દિવસમાં 11 સિંહો ના મોત:6 સિંહબાળ સહિત 11 સિંહોના મોતથી વનવિભાગ પણ ચિંતામાં :તમામ સિંહોના મોતનુ કારણ અલગ અલગ: ઈન્ફાઈટ તેમજ ઇન્ફેક્શનના કારણે મોતની સત્તાવાર જાહેરાત કરતુ વનવિભાગ.:વનવિભાગની ટીમ દ્વારા ગીરના સિંહોનુ અવલોકન શરૂ કરવામાં આવ્યુ:સિંહોના મોતથી સમગ્ર જીલ્લામાં અરેરાટી વ્યાપી access_time 10:52 pm IST

  • મહિસાગર જિલ્લામાં સંતરામપુર - વીરપુર તા.માં સ્વાઈન ફલુના ૬ પોઝીટીવ કેસમાંથી ૩ના મોત : જીલ્લાના વીરપુરની મામલતદાર કચેરીના ૩ કર્મચારીને એક સાથે સ્વાઈન ફલુ થયેલ : બે કર્મચારીના મોત : ગુજરાતભરમાં ચારેકોર ડેન્ગ્યુ, વાયરલ અને સ્વાઈન ફલુ સહિતના રોગોનો ભરડો access_time 3:05 pm IST

  • રાષ્ટ્રીય અધ્યક્ષ અમિતભાઈ શાહ ૨૨મીએ અમદાવાદની મુલાકાતે access_time 3:18 pm IST