Gujarati News

Gujarati News

News of Tuesday, 20th August 2019

રૈયા રોડના અલ્કેશ્વર મહાદેવ મંદિરે અમરનાથ મહાદેવના દર્શનઃ ભાવિકો ઉમટ્યાઃ જન્માષ્ટમીની થશે ભવ્ય ઉજવણી

રૈયા રોડ હનુમાન મઢી નજીક શ્રી અલ્કેશ્વર મહાદેવ મંદિર ખાતે અલ્કેશ્વર મહાદેવ યુવક મંડળ દ્વારા છેલ્લા ૩૦ વર્ષથી શ્રાવણ માસ નિમિતે દરરોજ ધાર્મિક કાર્યક્રમો અને અલગ-અલગ દર્શનનું આયોજન કરવામાં આવે છે. તે અંતર્ગત ગઇકાલે અમરનાથ મહાદેવના દર્શન યોજવામાં આવ્યા હતાં. જેના દર્શનનો અલ્કાપુરી, વિમાનગર, અંબિકાપાર્ક, છોટુનગર તથા આસપાસના ધર્મપ્રેમીઓએ લાભ લીધો હતો. આગામી જન્માષ્ટમીની રાતે શ્રી કૃષ્ણજન્મોત્સવની ભવ્યાતિભવ્ય ઉજવણી કરવામાં આવશે.જેનો ધર્મપ્રેમીઓએ લાભ લેવા યુવક મંડળે આમંત્રણ પાઠવ્યું છે. ગત સાંજના અમરનાથ મહાદેવના દર્શનની તસ્વીર તથા ઉમટી પડેલા ભાવિકો અને મંદિરના પુજારી તથા સભ્યો જોઇ શકાય છે.

(1:20 pm IST)
  • ઉત્તર પ્રદેશમાં જંગલરાજઃ પેટ્રોલ-ડીઝલના સતત ભાવ વધારાથી કરોડો ગરીબો-મધ્યમ વર્ગને કમરતોડ અસર થવાની : માયાવતી : કાયદો-વ્યવસ્થા-બેરોજગારીથી ત્રસ્ત લોકો ઉપર વધુને વધુને વધુ ભારણ નખાતુ જાય છેઃ ઉત્તરપ્રદેશમાં જંગલરાજ પ્રવર્તતું હોવાના બહેન માયાવતીના ચાબખા : ભાજપની ખોટી નીતિઓનું પરીણામઃ ઉ.પ્ર.માં યોગી સરકાર અધિકારીઓની બલી ચઢાવી રહી છે. access_time 1:06 pm IST

  • અમદાવાદ નવા નરોડામાં ખાંડનો વેપારી લૂંટાયો: બાપુનગર સ્થિત આંગડીયા પેઢીમાંથી 14 લાખ રૂપિયા લઈને નીકળેલા વેપારીની કારનો કાચ તોડી ગઠિયા રૂપિયા ભરેલી બેગ ચોરી ગયા: નરોડા પોલીસે સીસીટીવી આધારે આરોપીઓની શોધખોળ શરુ કરી. access_time 11:23 am IST

  • આસામમાં વર્ષોથી ઘુસી ગયેલા વિદેશીઓને દેશનિકાલ કરવા માટે માત્ર ભારતીય નાગરિકોની યાદી દર્શાવતું નેશનલ રજીસ્ટર ઓફ સિટીઝન્સ ( NRC ) ટૂંક સમયમાં બહાર પડવામાં છે.પરંતુ આ યાદીમાં મોટી સંખ્યામાં હિન્દુઓના નામો શામેલ કર્યા નથી તેવી આશંકા સાથે અખિલ ભારતીય વિદ્યાર્થી પરિષદ તથા હિન્દૂ જાગરણ મંચએ વિરોધ પ્રદર્શન શરૂ કરી દીધું હોવાના વાવડ છે. access_time 12:33 pm IST