Gujarati News

Gujarati News

News of Saturday, 20th July 2019

આરએમસી અધિકારીના નામે ર૧ ઠગાઇ આચરનારો કિશોર રાઠોડ પાસામાં ધકેલાયો

ભકિતનગર પોલીસની વોરન્ટ બજવણીઃ અમદાવાદ જેલહવાલે

રાજકોટ, તા., ર૦: શહેરના જુદા જુદા વિસ્તારોમાં ર૧ લોકો સાથે આરએમસીનો અધિકારી ખોટી ઓળખ આપી પૈસા પડાવી છેતરપીંડી આચરવાના ગુનામાં સામેલ ભાવનગરના શખ્સને પાસા હેઠળ જેલમાં ધકેલી દીધો છે.

મળતી વિગત મુજબ શહેરના જુદા જુદા વિસ્તારોમાં નવા બનતા મકાનોના માલીકને આરએમસીના ટેકસ ઓફીસર હોવાની ખોટી ઓળખ આપી કિશોર રમેશ રાઠોડ (ઉ.વ.૪૭) (રહે. લાલ ટાંકીની સામે બોરતળાવ રેલ્વે હોસ્પીટલ પાછળ ભાવનગર) પૈસા પડાવી છેતરપીંડી કરવાના ગુન્હામાં ભકિતનગર પોલીસે તેની ધરપકડ કરી હતી. કિશોર રાઠોડે રાજકોટમાં કુલ ર૧ લોકોને 'તમારા મકાનની આકારણી અને વેરો બાકી છે' કહી પૈસા પડાવી ટાર્ગેટ બનાવ્યા હતા. પકડાયેલા કિશોર રાઠોડે અગાઉ જુનાગઢ, વેરાવળ અને પોરબંદરમાં પણ પકડાયો હતો. તે અગાઉ પાસામાં પણ જઇ ચુકયો છે.

શહેર પોલીસ કમિશ્નર મનોજ અગ્રવાલે કિશોર રમેશ રાઠોડને પાસામાં ધકેલવા માટે વોરંટ ઇસ્યુ કરતા ભકિતનગર પોલીસ મથકના પીઆઇ વી.કે.ગઢવી તથા પીસીબી શાખાના પીઆઇ એસ.એન.ગડુ તથા ભકિતનગર પોલીસ મથકના પીએસઆઇ પી.બી.જેબલીયા હેડ કોન્સ. નિલેષભાઇ મકવાણા, ઘનશ્યામભાઇ જોગડા તથા પીસીબી શાખાના હેડ કોન્સ. રાજુભાઇ દહેકવાલ, શૈલેષભાઇ, અજયભાઇ શુકલા, ઇન્દ્રજીતસિંહ અને હોમગાર્ડ હાર્દિકભાઇ પીપળીયાએ કિશોર રાઠોડની પાસા તળે અટકાયત કરી અમદાવાદ જેલમાં ધકેલી દીધો હતો. (

(3:34 pm IST)
  • બનાસકાંઠામાં ફરી તીડનું આક્રમણ : ફળદુ સ્થળ પર જવા રવાના થયાઃ ૧૫ દિ'માં બીજી વખત તીડ ત્રાટકયાઃ પાકિસ્તાન સરહદેથી તીડના ટોળા આવી રહ્યા છેઃ પાકિસ્તાનનો હાથઃ ગુજરાતને ત્રસ્ત કરી રહ્યાનો દાવોઃ ૧ તીડ ૧૦ હજાર ઈંડા આપે છેઃ રણ વિસ્તારમાં મોટું નુકશાન સર્જાવાનો ભય access_time 1:09 pm IST

  • પાકિસ્તાનની અવળચંડાઈ ચાલુ :ફરીવાર સીઝ ફાયરનું કર્યું ઉલ્લંઘન :જમ્મુ કાશ્મીરના રાજૌરીમાં પાકિસ્તાને સીઝ ફાયરનું ઉલ્લંઘન કર્યું :પાકિસ્તાને મોર્ટારમારો કર્યો :સરહદી ગામડાને નિશાન બનાવ્યા access_time 1:32 am IST

  • નવજોત સિદ્ધુનું રાજીનામું સ્વિકારી લેતા અમરીન્દર : વિવાદ વકરશે ? : પંજાબના કોંગી મુખ્યમંત્રી કેપ્ટન અમરીંદર સીંધે કેબીનેટ મંત્રી નવજોતસિંઘ સિદ્ધનું રાજીનામું સ્વિકારી લીધું છે અને રાજયપાલ તરફ મોકલી આપ્યું છે, સિદ્ધુએ ૧૪ જુલાઇએ મંત્રીપદેથી રાજીનામું ધરી દીધું હતું. access_time 1:09 pm IST