Gujarati News

Gujarati News

News of Monday, 20th May 2019

વાણીયાવાડીમાં વોકીંગમાં નિકળેલા કડીયા વૃદ્ધ બેભાન થઇ જતા મોત

રાજકોટ, તા. ર૦ : વાણીયાવાડી મેઇન રોડ પર વોકીંગમાં નિકળેલા કડીયા વૃદ્ધ બેભાન થઇ જતા તેનું સીવિલ હોસ્પિટલમાં સારવાર દરમ્યાન મોત નિપજયું હતું. મળતી વિગત મુજબ પીપળીયા હોલ પાસે ન્યુ ખોડીયાર સોસાયટીમાં રહેતા અને જીલ્લા પંચાયતના નિવૃત પટ્ટાવાળા ભરતભાઇ માવજીભાઇ વાઘેલા (ઉ.વ.૬૧) રાત્રે પોતાના ઘરેથી વોકીંગ કરવા માટે નિકળ્યા હતાં તે વાણીયાવાડી મેઇન રોડ પર પહોંચતા અચાનક બેભાન થઇ જતા તેને તાકીદે સારવાર માટે સીવિલ હોસ્પિટલમાં ખસેડાયા હતાં ત્યાં તેનું સારવાર દરમ્યાન મોત નિપજયું હતું. મૃત ભરતભાઇને સંતાનમાં બે પુત્ર અને એક પુત્રી છે. આ અંગે ભકિતનગર પોલીસે કાર્યવાહી કરી હતી.

ભગીરથ સોસાયટીમાં વૃદ્ધાનું બેભાન હાલતમાં મોત

સંતકબીર રોડ પર ભગીરથ સોસાયટી શેરી નં.૧૦માં રહેતા ગણેશભાઇ હંસરાજભાઇ રાબડીયા (ઉ.વ.૬ર) ગઇકાલે પોતાના ઘરે હતા ત્યારે એકાએક બેભાન થઇ જતાં તેને સારવાર માટે સીવિલ હોસ્પિટલમાં ખસેડાયા હતા. ત્યાં તેનું સારવાર દરમ્યાન મોત નિપજયું હતું. આ અંગે બી-ડીવીઝન પોલીસ મથકના એએસઆઇ કે.આર. ચોટલીયા તથા રાઇટ પ્રતિકભાઇએ તપાસ આદરી છે.

બીમારી સબબ વૃદ્ધાનું મોત

દોઢસો ફુટ રોડ શીતલ પાર્કમાં સદ્ભાવના વૃદ્ધાશ્રમમાં રહેતા ભાનુબેન બચુભાઇ ભાડેસીયા (ઉ.વ. ૭૦) ગઇકાલે આશ્રમમાં હતા ત્યારે બીમારી સબબ એકાએક બેભાન થઇ જતા તેને સારવાર માટે સીવિલ હોસ્પિટલમાં ખસેડાયા હતાં ત્યાં તેનું સારવાર દરમ્યાન મોત નિપજયું હતું. આ અંગે યુનિવર્સિટી પોલીસ મથકના હેડ કોન્સ. ભગીરથસિંહએ કાર્યવાહી કરી હતી.

(4:03 pm IST)
  • ક્રુડ ઓઈલનો ખજાનો શોધવા નીકળેલ પાકિસ્તાનને ફટકો :700 કરોડ ખર્ચા બાદ મળ્યો ‘ઠેંગો’: પાકિસ્તાનને હેવ અરબ સાગરમાંથી ક્રુડ ઓઇલ ના મળવાથી વધુ એક ફટકો પડ્યો: કરાચી કોસ્ટ પાસે અરબ સાગરમાં ગેસ ભંડાર મળવાની ધારણાએ મોટા પાયે ખોદકામ કર્યું :કુવા ખોદ્યા તેમાંથી કોઇ ખનિજ ઈધણ હાંસલ થયું નથી. access_time 12:42 am IST

  • બ્રાઝીલનાં બારમાં 7 બંદુકધારીઓએ કર્યો અંધાધૂંધ ગોળીબાર :બાર માલિક સહિત 11 લોકોનાં મોત: ઉત્તર બ્રાઝીલના બેલેમ શહેરનાં એક બારમાં બંદૂકધારીઓએ અંધાધુંધ ગોળીબાર કર્યો હતો access_time 12:53 am IST

  • અમદાવાદના પીએસઆઇ દેવેન્દ્રસિંહ રાઠોડના આપઘાતનો મામલોઃ ૧૫ દિવસમાં ન્યાય ન મળે આપઘાતની ચીમકી : પીએસઆઇના પત્નિ ડીમ્પલ રાઠોડ સચિવાલયમાં ગૃહ રાજયપ્રધાનને ન્યાય માટે રજુઆત માટે પહોંચ્યાઃ અગાઉ આત્મવિલોપનની ચીમકી ને લઇને સચિવાલય બહાર સઘન બંદોબસ્તઃ ગૃહ પ્રધાન પ્રદિપસિંહ જાડેજાને આવેદન પત્ર આપ્યું: ડીવાયએસપીને ધરપકડ કેમ નહિ : ડીમ્પલ રાઠોડ access_time 4:29 pm IST