News of Sunday, 20th May 2018

રાજકોટના શાપર-વેરાવળમાં ઇન્ટ્રિકસ્ટ કંપનીમાં અચાનક આગ ભભૂકી :રાજકોટ-ગોંડલની ફાયર ફાયટરો દોડ્યા

રાજકોટના શાપર વેરાવળ ખાતે ઇન્ટ્રીકસ્ટ નામની કંપનીમાં આજે ભર બપોરે એકાએક આગ ભભૂકી ઉઠી હતી જેના પગલે કંપનીમાં અચાનક આગ ફાટી નીકળતા નાસભાગ મચી જવા પામી હતી. પ્રાથમિક ધોરણે આ આગ શોટ સર્કિટ ના કારણે લાગી હોવાનું અનુમાન કરાઇ રહ્યું છે. આગના પગલે કંપની કામદારોના જીવ પડિકે બંધાઇ જવા સાથે અફરાતફરી મચી જવા પામી હતી. જોકે રાજકોટ અને ગોંડલના ફાયર વિભાગને ઘટનાની જાણ કરાતા, તુરંત ધસી આવેલ ફાયર ફાઇટરો એ ૨ કલાકની જહેમત બાદ આ આગ પર કાબુ મેળવ્યો હતો

(9:58 pm IST)
  • પાકિસ્તાન સરકારે દેશના અનેક વિસ્તારમાં અંગ્રેજી ન્યૂઝપેપર ડોનના સર્કુલેશન પર રોક લગાવીને પ્રતિબંધ મૂકી દિધો છે. નવાઝ શરીફે ડોન ન્યૂઝપેપરને થોડા સમય પહેલા એક ઇન્ટરવ્યૂ આપ્યું હતું જેમાં નવાઝ શરીફે 2008 મુંબઇ હુમલા સંબંધિત વાતો કરી હતી જેમાં શરીફે સ્વીકાર્યું કે આતંકવાદીઓ પાકિસ્તાનના હતા, આ સમાચાર બાદ દુનિયાભરમાં ચર્ચા જાગી હતી. access_time 12:28 am IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST

  • સૌથી ઓછા સમય સુધી સીએમ રહેનાર શિબૂ સોરેન પછી બીજા નેતા બન્યા યેદુરપ્પા : યેદુરપ્પા ભલે કર્ણાટકના સીએમ ના બની શકયા પરંતુ તેઓએ સૌથી ઓછા સમય માટે ખુર્શી પર ટકી રહેનાર ઝારખંડના શિબૂ સોરેનનો રેકોર્ડ તોડી નાંખ્યો છે. 2 માર્ચ 2005માં મુખ્યમંત્રી પદે શપથ લેનાર શિબૂ સોરેને ફ્લોર ટેસ્ટ પહેલા જ 12 માર્ચ 2005ના રોજ મુખ્યમંત્રી પદેથી રાજી નામું આપી દીધુ હતુ. ત્યારે યેદુરપ્પાએ મુખ્યમંત્રીના શપથ ગ્રહણ કર્યાના 57 કલાકમાં જ રાજીનામું આપી દીધુ. access_time 12:42 am IST