Gujarati News

Gujarati News

News of Tuesday, 20th April 2021

કાલે રામનવમી : આ વર્ષે અંતરમાં રામના પ્રાગટ્યનો અવસર

કોરોનાની કપરી પરિસ્થિતિ ધ્યાને લઇ ઘરે ઘરે જ થશે રામભકિત : મંદિરોમાં મર્યાદિત સંખ્યામાં પૂજા અર્ચન કરાશે : લોકોએ ભીડ ન કરવા અપીલ

રાજકોટ તા. ૨૦ : ભગવાન રામનો  અવતરણનો અવસર હોય અને ભકતોના હૈયે આનંદ ન ઉભરાય તેવુ તો બને જ નહીં, પરંતુ આ વર્ષે પરિસ્થિતી જુદી છે. કોરોના સંક્રમણના કારણે મેળાવી કાર્યક્રમો વગર રામ ભકિત કરવા સૌને અપીલો થઇ છે.

કાલે રામનવમી છે. મંદિરોમાં પૂજારી અને મર્યાદીત ભકતોની હાજરીમાં ભગવાન રામના જન્મના વધામણાના આરતી પૂજન કરાશે. લોકોએ ભીડ ન કરવા અપીલો થઇ છે.

હાલની પરિસ્થિતિને ધ્યાને લઇ મોટાભાગના મંદિરોમાં દર્શન પણ બંધ કરી દેવાયા છે. ત્યારે લોકો કાલે ઘરે ઘરે જ અંતરમનમાં બીરાજમાન ભગવાન રામને યાદ કરશે. ઘરે ઘરે રામ ભકિત થશે. પૂજા પાઠ આરતી થશે. વ્રત રાખનારા લોકો ફરાળ ગ્રહણ કરશે.

કોરોનાની ચિંતા જનજને સતાવી રહી છે. ત્યારે આ વિકટ પરિસ્થિતિમાંથી ભગવાન જલ્દી ઉગારે તેવી ભાવિક ભકતો દ્વારા ભગવાન રામને પ્રાર્થનાઓ થશે.

(4:23 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST

  • કોરોના મહામારી અંગે ગુજરાત હાઈકોર્ટમાં સુનાવણી શરૂ : ગુજરાત સરકારે ૮૨ પાનાનું ઍફીડેવીટ દાખલ કર્યુ : જેમાં સરકારે કરેલી તમામ વ્યવસ્થાના દાવા કર્યા access_time 12:04 pm IST