Gujarati News

Gujarati News

News of Tuesday, 20th April 2021

ઘર આંગણે ફેરીયા પાસેથી જ શાકભાજી ખરીદો : દેવુબેન જાદવ

માસ્‍ક અને સોશિયલ ડિસ્‍ટન્‍સનું અવશ્‍ય પાલન કરવા માર્કેટ સમિતિ ચેરમેનની અપીલ

રાજકોટ,તા. ૨૦: શહેરી જનોને ઘર આંગણે આવતા શાકભાજીના ફેરિયા પાસેથી જ શાકભાજી ખરીદવાનો આગ્રહ રાખવો અને માસ્‍ક અવશ્‍ય પહેરવું અને સોશિયલ ડિસ્‍ટન્‍સ જાળવવા માર્કેટ સમિતિના ચેરમેન શ્રીમતિ દેવુબેન જાદવએ અનુરોધ કર્યો છે.

આ અંગે દેવુબેન જાદવે જણાવ્‍યું હતુ કે, હાલ કોરોના વાઇરસ વૈશ્વિક મહામારીની પરિસ્‍થિતિને ધ્‍યાનમાં રાખીને સૌ સાથે મળી, સરકારશ્રી દ્વારા આપવામાં આવેલ ગાઈડલાઈનનું પાલન કરીએ. બિનજરૂરી ઘરની બહાર જવાનું ટાળવું અને અત્‍યંત જરૂરી હોય તો જ અને ઘરની બહાર નીકળવાનું થાય તો માસ્‍ક અવશ્‍ય પહેરવું અને સોશિયલ ડિસ્‍ટન્‍સ જાળવવું જરૂરી છે. માર્કેટ સમિતિની ચેરમેન શ્રીમતી દેવુબેન જાદવ શહેરીજનોને અપીલ કરતા જણાવે છે કે, વેપારી પોતે માસ્‍ક પહેરે અને શાકભાજી ખરીદી કરવા આવતા ગ્રાહકોને પણ માસ્‍ક પહેરવા આગ્રહ કરે. ઘર આંગણે આવતા શાકભાજીના ફેરિયાઓ પાસેથી શાકભાજી ખરીદવાની આગ્રહ રાખવો, શાક માર્કેટ ખાતે ટોળા માણસો એકત્રિત થાય ત્‍યાં શાકભાજી ખરીદી કરવા ન જવું.

અંતમાં દેવુબેનએ જણાવ્‍યું હતુ કે, હોકર્સ ઝોન ખાતે ખાણીપીણી લારીઓએ સોશિયલ ડિસ્‍ટન્‍સ જાળવવું અને બને ત્‍યાં સુધી પાર્સલ લેવાનો આગ્રહ રાખવો. કોરોના વાઇરસથી બચવા માસ્‍ક અવશ્‍ય પહેરીએ અને સોશિયલ ડિસ્‍ટન્‍સ જાળવીએ. સરકારશ્રી દ્વારા વખતો વખત આપવામાં આવતી ગાઈડલાઈનનું ચુસ્‍ત પણે પાલન કરીએ.

(4:00 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST

  • દિલ્હી: રાષ્ટ્રીય રાજધાનીમાં ગતરાત્રે 10 વાગ્યાથી 1 સપ્તાહના લોકડાઉનની ઘોષણા પછી રાત્રે આનંદ વિહાર બસ ટર્મિનલ અને રેલવે સ્ટેશન પર સ્થળાંતર કરી રહેલા પરપ્રાંતીય કામદારો, બીકના માર્યા પોતાના વતન જવા ઉમટી પડ્યા હતા access_time 10:00 am IST