Gujarati News

Gujarati News

News of Tuesday, 20th April 2021

જંકશન અને સિવિલ હોસ્પિટલમાંથી બેભાન મળેલા બે વ્યકિતના મોત

આ મૃતકોના સગા સંબંધી હોય તો પ્ર.નગર પોલીસનો સંપર્ક કરવો

રાજકોટ તા. ૨૦: શહેરના જંકશન પ્લોટ-૨ના ખુણા પરથી અજાણ્યા આશરે ૫૫ વર્ષના પ્રોૈઢ અને સિવિલ હોસ્પિટલના ઇમર્જન્સી વિભાગ સામે પાર્કિંગમાંથી પણ અજાણ્યા આશરે ૬૮ વર્ષના વૃધ્ધ બેભાન મળતાં સિવિલ હોસ્પિટલમાં ખસેડાયા હતાં. પરંતુ અહિ બંનેને તબિબે મૃત જાહેર કરતાં પ્ર.નગરના હરેશભાઇ રત્નોતર અને માયાબેન સાટોડીયાએ જરૂરી કાર્યવાહી કરી હતી. બંને મૃતકને સફેદ દાઢી-મુછ વધી ગયેલા છે. તેમની ઓળખ થાય તેવી કોઇ ચીજવસ્તુઓ મળી નથી. રખડતું જીવન જીવતા હોવાની શકયતા છે. તસ્વીરમાં દેખાતા મૃતકોના કોઇ સગા પરિચીત સંબંધી હોય તો પ્ર.નગર પોલીસનો ફોન ૦૨૮૧ ૨૪૪૬૦૫૫ ઉપર સંપર્ક કરવા જણાવાયું છે.

(12:50 pm IST)
  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST