Gujarati News

Gujarati News

News of Saturday, 20th April 2019

બાબરીયા કોલોનીમાં ગેસના ફૂગ્ગા ફૂટતાં ભડકોઃ દંપતિ અને પુત્ર દાઝયા

એક ફૂગ્ગો ફૂટયા બાદ ૮૦ જેટલા ફૂગ્ગામાં ભડકો થયોઃ દેવીપૂજક પરિવારના હીરાભાઇ, કંચનબેન સારવાર હેઠળઃ પુત્ર સન્નીને પ્રાથમિક સારવાર અપાઇ

રાજકોટ તા. ૨૦: બાબરીયા કોલોનીમાં ત્રણ માળીયા કવાર્ટર પાસે પરમેશ્વર-૨માં આવેલા પચ્ચીસ વારીયામાં ગેસના ફૂગ્ગામાં ભડકો થતાં દેવીપૂજક દંપતિ અને પુત્ર દાઝી જતાં હોસ્પિટલમાં ખસેડાયા હતાં.

જાણવા મળ્યા મુજબ ગેસના ફૂગ્ગા વેચી ગુજરાન ચલાવતાં દેવીપૂજક પરિવારના હીરાભાઇ મહાદેવભાઇ સોલંકી (ઉ.૫૦), કંચનબેન હીરાભાઇ સોલંકી (ઉ.૪૫) અને પુત્ર સન્ની (ઉ.૨૧) સાંજે ઘરમાં ફૂગ્ગામાં ગેસ ભરી ફૂગ્ગાનો સ્ટોક કરી રહ્યા હતાં. ૮૦ જેટલા ગેસ ભરેલા ફૂગ્ગા તૈયાર થઇ ગયા હતાં. એ વખતે એક ફૂગ્ગો કોઇ કારણે અચાનક ફૂટતાં ભડકો થતાં બીજા ૮૦ ફૂગ્ગામાં પણ ભડકો થતાં બંને પતિ-પત્નિ અને પુત્ર સન્ની હાથ, મોઢા, વાંસાના ભાગે દાઝી જતાં સિવિલ હોસ્પિટલમાં ખસેડાયા હતાં. જ્યાં સન્નની પ્રાથમિક સારવાર અપાઇ હતી. હીરાભાઇ અને કંચનબેનને વધુ સારવાર માટે ખાનગી હોસ્પિટલમાં લઇ જવાયા હતાં. આ અંગે હોસ્પિટલ ચોકીના સ્ટાફે ભકિતનગર પોલીસને જાણ કરી હતી.

(3:46 pm IST)
  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • હાર્દિક પર હુમલા અંગે સોશ્યલ મીડિયામાં ઉલટા-સુલટા મેસેજો ફરતા થયા : હાર્દિક પર હુમલો ભાજપના પ્રમુખ જીતુ વાઘાણીએ કરાવ્યાના સોશ્યલ મીડિયામાં ફરતા થયેલા સમાચાર બાદ હુમલો હાર્દિકે ખુદ પોતાના પર કરાવ્યાના પણ અહેવાલો ફરતા થયા : પોલીસ અધિકારીઓએ પ્રાથમિક તપાસમાં હજુ આવી કોઈ બાબત સામે આવ્યાનું નકાર્યુ access_time 3:54 pm IST

  • સંસદના બન્ને સદનમાં બહુમતી હાંસલ કર્યા બાદ ભાજપ ધારા-370 ખતમ કરશે :ભાજપના રાષ્ટ્રીય અધ્યક્ષ અમિતભાઇ શાહે એમ પણ કહ્યું હતું કે હાલની લોકસભા ચૂંટણીનો મુખ્ય મુદ્દો રાષ્ટ્રીય સુરક્ષા છે access_time 12:54 am IST