Gujarati News

Gujarati News

News of Saturday, 20th April 2019

જાગનાથ પ્લોટમાંથી ગૂમ થયેલી ૩ બાળા સોમનાથ દર્શને પહોંચી'તી

પ્ર.નગર પોલીસે ભારે દોડધામ બાદ શોધી કાઢતા સૌને હાશકારો

રાજકોટઃ જાગનાથ પ્લોટ  વિસ્તારમાં રહેતી ત્રણ નેપાળી બહેનપણીઓ ગઇકાલે ઘરેથી કોઇને કહયા વગર નિકળ્યા બાદ તેના પરીવારજનોએ ત્રણેયની શોધખોળ આદરીહતી. પરંતુ ત્રણેયનો કોઇપતો ન લાગતા પરીવારજનોએ પ્ર.નગર પોલીસમથકમાં જાણ કરતા જ પીઆઇ બી.એમ. કાતરીયા તથા પીએસઆઇ એસ.એન.જાડેજા, ઓ.પી.સીસોદીયા તથા હેડ કોન્સ. દેવશીભાઇ ખાંભલા,  અરવિંદભાઇ, અશોકભાઇ કલાલ, પ્રદીપસિંહ ગોહીલ, કૌસેન્દ્રસિંહ ઝાલા અને હેમેન્દ્રભાઇવાઢીયા સહીતના સ્ટાફે શહેરના જુદા જુદા સ્થળોએ આ ત્રણ બાળાઓને શોધવામાટે દોડધામ કરી હતી. દરમિયાન બાતમી મળતા જ ત્રણેય બાળાઓને પોલીસે ગણતરીના કલાકોમાં જ સોમનાથથી હેમખેમ શોધી કાઢી હતી. ત્રણ બાળાઓની પુછપરછ કરતા  સોમનાથ દર્શન કરવા ગયા હોવાનું જણાવ્યું હતું.  આ બાળાઓ હેમખેમ મળી આવતા તેના પરીવારજનોએ હાશકારો અનુભવ્યો હતો.

(4:17 pm IST)
  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • ચૂંટણી પંચ આકરા પાણીએ : વડાપ્રધાન મોદી પર બનેલી ફિલ્મ પર રોક લગાવ્યા બાદ, હવે PM પર બનેલી વેબ સિરીઝ ' મોદી - જર્ની ઓફ આ કોમન મેન ' પર પણ રોક લગાવી : ઇરોઝ કમ્પની દ્વારા બનાવાયેલ આ વેબ સિરિઝના પાંચેય ભાગ ઈન્ટરનેટ પરથી દૂર કરવા કર્યો આદેશ. access_time 5:15 pm IST

  • અમરેલી પંથકના ગામમાં કૂવામાં માટી કાઢી રહેલ ૨ શ્રમિકના કરૂણ મોત : કુવામાંથી માટી કાઢતા દોરડુ તૂટી જતાં ૨ શ્રમિકોના મોત : બંનેના મૃતદેહ પોસ્ટમોર્ટમ અર્થે ખસેડાયા : સાવરકુંડલાના હાથસણી ગામની ઘટના access_time 3:49 pm IST