Gujarati News

Gujarati News

News of Wednesday, 20th March 2019

રેલનગરની આવાસ યોજનામાં ગંદા પાણીની રેલમછેલ

લાલબહાદુર શાસ્ત્રી ટાઉનશીપના બંધ બ્લોકમાં ડ્રેનેજ ઉભરાઇઃ આ સમસ્યા તાત્કાલીક ઉકેલવા કોંગી કોર્પોરેટર ગાયત્રીબા વાઘેલાની ઉગ્ર માંગ

રાજકોટ તા.૨૦: શહેરના વોર્ડ નં. ૩માં રેલનગર વિસ્તારમાં આવેલ લાલબહાદુર શાસ્ત્રી ટાઉનશીપમાં ડ્રેનેજની સમસ્યાનો ઉકેલ લાવવા કોંગી કોર્પોરેટર ગાયત્રીબા વાઘેલા દ્વારા માંગ કરવામાં આવી છે.

આ અંગે વોર્ડ નં. ૩ના કોર્પોરેટર ગાયત્રીબા વાઘેલાએ જણાવ્યું હતું કે, શહેરના વોર્ડ નં. ૩ 'લાલ બહાદુર શાસ્ત્રી ટાઉનશીપ' ૨૬/બી માં નં. બી જી/૧૨માં છેલ્લા ૧ માસથી ગંદુ પાણી (લેટ્રીન - ડ્રેનેજ)નું આખા બ્લોકમાં ઉભરાય છે. આ બ્લોક બંધ હાલતમાં છે. સ્થાનિક લોકોએ તંત્રને અનેક વખત રજૂઆત કરવા છતાં સુધી કાર્યવાહી થઈ નથી.

વધુમાં ગાયત્રીબાએ જણાવ્યુ હતુ કે, સ્વચ્છતાના બણગા ફુંકતા શાસકો અને સ્માર્ટ સીટીની વાત કરતા આ તંત્રની બેદરકારી છતી થાય છે. આ ગંદકીના કારણે આજુબાજુ રહેવાસીઓમાં રોગચાળાનો ભય ફેલાય રહ્યો છે ત્યારે આ અંગે તાત્કાલીક યોગ્ય કરવા માંગ કરવામાં આવી છે.

(3:40 pm IST)
  • માયાવતીનું એલાન : હું લોકસભા ચૂંટણી લડીશ નહીં : હાલમાં અ મારા ગઠબંધનની સ્થિતિ ખુબ જ સારી છે : મારા ચૂંટણી લડવા પર કાર્યકર્તાની મનાઇ કરવા છતાં મારી લોકસભા સીટ પર પ્રચાર કરવા જશેઃ તેનાથી અન્ય સીટો પર ચૂંટણી પ્રભાવિત હશે : મૈં આ જ કારણે નિર્ણય લીધો access_time 3:27 pm IST

  • ગુજરાત BJP પાર્લામેન્ટરી બોર્ડ ની મીટીંગ બાદ આખરી યાદી તૈયાર :,હોળી પછી દિલ્હી જઈ સોંપશે યાદી:અન્ય રાજય ના તબક્કાવાર યાદી મંગાવાઈ રહી છે:વિજય રૂપાણી પણ હોળી પછી દિલ્હી જાય તેવી સંભાવના access_time 10:59 am IST

  • ગુજરાતમાં એસીડ એટેકના વધતા કિસ્સાઓના નિયંત્રણ માટે હાઇકોર્ટમાં રીટ પીટીશન : અદાલતે નોટીસો આપી : ગુજરાત હાઇકોર્ટમાં એસિડ પર નિયંત્રણ મુકવા માટે અરજી થઇ છેઃ રાજયમાં એસીડ એટેકના કિસ્સા ન બને તે માટે આ અરજી થઇ છેઃ ગુજરાત હાઇકોર્ટે એસીડના વેચાણ પર નિયંત્રણની અરજી સ્વીકારી : રાજય સરકાર સામે નોટીશ જારી કરીઃ એસીડના ખરીદ વેચાણને લઇ સુપ્રિમકોર્ટે ગાઇડ લાઇન જાહેર કરી હતીઃ સુપ્રીમે કહયું કે રાજય સરકારે ગાઇડ લાઇન પ્રમાણે નિયમો નથી બનાવ્યાઃ આ મામલે રાજય સરકારને હાઇકોર્ટેમાં જવાબ રજુ કરવાનો રહેશે access_time 4:14 pm IST