Gujarati News

Gujarati News

News of Wednesday, 20th March 2019

વિરાટ સોમયજ્ઞમાં રાત્રે સાંસ્કૃતિક કાર્યક્રમમાં કલાકારોની કૃતિ : કાલે ધ્વજારોહણ સાથે સંપન્ન

રાજકોટ : અહિંના શ્રી ગોવર્ધન ગૌશાળા રાજકોટના લાભાર્થે યોજાયેલ વિરાટ સોમયજ્ઞના ચોથા દિવસે હજારો વૈષ્ણવોની ઉપસ્થિતિમાં નંદ - મહોત્સવ મનાવવામાં આવ્યો હતો. સેંકડો ભાવિકો વિરાટ સોમયજ્ઞના દર્શન તથા પરિક્રમા કરી રહ્યા છે. આજે બુધવારે રાત્રે ૮ વાગ્યે જૂનાગઢના મંગલમૂર્તિ વિકલાંગ ટ્રસ્ટના કલાકારો પોતાની કૃતિ રજૂ કરશે.

પદ્મશ્રી એવમ્ પદ્મભૂષણ, સોમયાજી પૂ.પા.ગો. ડો. ગોકુલોત્સવજી મહારાજશ્રી (ઈન્દોર) તથા યજ્ઞકર્તા-યજ્ઞાચાર્ય સોમયાજી પૂ.પા.ગો. ડો. વ્રજોત્સવજી મહોદયશ્રી (ઈન્દોર) ના સર્વાધ્યક્ષસ્થાને યોજાયેલ સોમયજ્ઞમાં દક્ષિણ ભારતના ચારેય વેદોના જાણકાર પ્રખર પંડિતો પૂ. મહારાજશ્રીના માર્ગદર્શન હેઠળ વૈદિક મંત્રોચ્ચાર સાથે યજ્ઞ કરાવી રહ્યા છે. સોમયજ્ઞ અંતર્ગત શ્રી વિષ્ણુગોપાલ યજ્ઞમાં બેસવાનું ખૂબ જ મહત્વ છે જેમાં સેંકડો  લોકો યજમાનશ્રીની યજ્ઞની આહુતિ આપેલ છે. ગુરૂવારે છેલ્લો દિવસ છે. હજુ પણ કોઈપણ ભકતજનોને વિષ્ણુગોપાલ યજ્ઞમાં બેસવું હોય તો સોમયજ્ઞ સ્થળે કાર્યાલયમાં રૂ.૨,૧૦૦/ ભરી યજમાન બની યજ્ઞમાં આહુતિ આપવાનો લાભ લઈ શકે છે. આવતીકાલે ગુરૂવારે યજ્ઞની પૂર્ણાહુતિ છે. ગુરૂવારે ધ્વજારોહણ થશે. દરરોજ અક્ષતવર્ષા–ભિક્ષા ગ્રહણનો પણ . લાભ લોકો રહ્યા હોવાનું જેરામભાઈ વાડોલીયા અને જગદીશભાઈ હરીયાણીની યાદીમાં જણાવાયું છે. (તસ્વીરઃ સંદિપ બગથરીયા)

(3:37 pm IST)
  • વડાપ્રધાન મોદીના ગઢમાં પ્રિયંકા ગાંધી :વારાણસીના ગંગા તટે મંદિરમાં માથું ટેકવ્યું :લાલબહાદુર શાસ્ત્રીના પૈતૃક ઘરની લેશે મુલાકાત :આ પહેલા મિર્ઝાપુરમાં મૌલાના ઈસ્માઈલ ચિશ્તીની મજાર પર ચાદર ચડાવી:વિદ્યા વાસીની મંદિરમાં દર્શન કર્યા: ભદોહીમાં સીતામઢી સમાહિત મંદિરમાં પૂજા અર્ચન કર્યા હતા access_time 1:17 am IST

  • ભરૂચમાં વિશ્વ ચકલી દિવસની ઉજવણી: ચકલીઓ વિલુપ્ત થતી બચાવવા સ્વૈરિછક સંસ્થાઓ દ્વારા પાણીના 500 કુંડા અને 1000 માળાનું વિતરણ કરાયું: ચકલીના અસ્તિત્વને બચાવવા લોકોમાં જાગૃતિ લાવવાનો પ્રયાસ કરાયો access_time 10:46 pm IST

  • ગુજરાતમાં એસીડ એટેકના વધતા કિસ્સાઓના નિયંત્રણ માટે હાઇકોર્ટમાં રીટ પીટીશન : અદાલતે નોટીસો આપી : ગુજરાત હાઇકોર્ટમાં એસિડ પર નિયંત્રણ મુકવા માટે અરજી થઇ છેઃ રાજયમાં એસીડ એટેકના કિસ્સા ન બને તે માટે આ અરજી થઇ છેઃ ગુજરાત હાઇકોર્ટે એસીડના વેચાણ પર નિયંત્રણની અરજી સ્વીકારી : રાજય સરકાર સામે નોટીશ જારી કરીઃ એસીડના ખરીદ વેચાણને લઇ સુપ્રિમકોર્ટે ગાઇડ લાઇન જાહેર કરી હતીઃ સુપ્રીમે કહયું કે રાજય સરકારે ગાઇડ લાઇન પ્રમાણે નિયમો નથી બનાવ્યાઃ આ મામલે રાજય સરકારને હાઇકોર્ટેમાં જવાબ રજુ કરવાનો રહેશે access_time 4:14 pm IST