Gujarati News

Gujarati News

News of Tuesday, 20th March 2018

રાજકોટ ડેરીના મેનેજરને ધમકી આપવાના ગુનામાં છની ધરપકડ

ભેળસેળ વાળુ દૂધ પાછુ મોકલનાર મેનેજરને સાતડા અને પારેવડા દૂધ મંડળીના મંત્રીઓ સહિતે ધમકી આપી'તી

રાજકોટ તા. ૨૦:રાજકોટ ડેરીના મેનેજર લીઓનાર્ડ આલ્બર્ટ ડેવિડસન (ઉ.૫૨)એ સાતડા દૂધ મંડળીમાંથી આવતું દૂધ ભેળસેળવાળુ હોઇ નિયમ મુજબ તેમાં કલર ભેળવીને મંડળીને પાછુ મોકલી દેતાં સાતડા મંડળીના મંત્રી અનુ દેવાયતભાઇ ચાવડા (ઉ.૪૪-રહે. સાતડા), પારેવડા દૂધ મંડળીના મંત્રી ધીરૂ આણંદભાઇ માલકીયા (ઉ.૪૨) તથા આઠ શખ્સોએ ડેરીએ આવી ધમકી આપી ધમાલ મચાવી હતી. આ અંગે નોંધાયેલા ગુનામાં અનુ ચાવડા, ધીરૂ માલકીયા તેમજ અન્ય ચાર શખ્સો જનક આલાભાઇ ડાંગર (ઉ.૩૭-રહે. આર્યનગર-૫), વિજય ઘુસાભાઇ ડાંગર (ઉ.૨૮-રહે. શ્યામનગર-૩), માનુ દેવાભાઇ ઝાલા (ઉ.૪૯-રહે. ખખાણા) તથા હેમત સામતભાઇ બાવળીયા (ઉ.૩૬-રહે. જેપુર તા. વાંકાનેર) થોરાળા પોલીસ મથકમાં હાજર થતાં પી.એસ.આઇ. જે. જી. ચોૈધરીએ ધરપકડની કાર્યવાહી કરી વિશેષ તપાસ હાથ ધરી છે. (વધુ અહેવાલ પાના નં.૫)

 

(3:53 pm IST)