Gujarati News

Gujarati News

News of Wednesday, 20th January 2021

સિવીલ હોસ્પીટલના સ્ટાફથી મૃત્યુ પામેલ પાટીલ યુવાનના પુત્રને શિક્ષણ ફી આર્થિક રાહત આપવા માંગણી

કોરોના કાળમાં મૃત્યુ પામેલ પાટીલ યુવાનના પરિવારને આર્થિક સહાય આપવા માંગણી (તસ્વીર : સંદીપ બગથરીયા)

રાજકોટ તા. ર૦ :.. ભગવતીપરા કોમી એકતા સંગઠનના પ્રમુખ નંદાભાઇ ડાંગર અને અન્યોએ મુખ્યમંત્રીને સંબોધી કલેકટરને આવેદન પાઠવી સીવીલ હોસ્પીટલમાં સ્ટાફના મારથી મૃત્યુ પામેલા પાટીલ યુવાનના પુત્રને શિક્ષણ ફી અને આર્થિક રાહત કરી આપવા માગણી કરી હતી.

આવેદનમાં જણાવેલ કે કોરોના સમયે સીવીલ હોસ્પીટલમાં પ્રભાકરભાઇ પાટીલ નામના યુવાનનું મૃત્યુ થયું હતું. જેને તા. ૯-૯-ર૦ર૦ ના રોજ સરકારી હોસ્પીટલના સ્ટાફ દ્વારા માર મારવામાં આવેલ.

અને ત્યારબાદ તેનું મૃત્યુ થયેલા આપને વિનંતી છે કે, તેમના પરિવારજનોને ન્યાય મળી રહે તે માટે પુત્રને શિક્ષણ ફ્રી કરી  આપવામાં આવે, અને મુખ્યમંત્રીના રાહત ફંડમાંથી આર્થિક રાહત આપવામાં આવે, તેમની ઘરની આર્થિક હાલત ખૂબ જ ખરાબ અને દયનીય છે,

આથી તાકીદે યોગ્ય કરાય તેવી વિનંતી છે.

(2:58 pm IST)
  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • આઇપીએલમાં હરભજન ચેન્નાઇ તરફથી રમતો જોવા નહિ મળે : ભજજીએ ટવીટ કરી જાણકારી આપી કે ચેન્નાઇ સાથે મારો કરાર પૂર્ણ થઇ ગયો છે. આ ટીમ માટે રમવુ એક સુખદ અનુભવ હતો. હું એ યાદગાર પણ હમેંશા યાદ રાખીશ ચેન્નાઇ સુપર કીંગ્સનું મેનેજમેન્ટ સ્ટાફ અને ફેન્સનો આભાર access_time 4:03 pm IST

  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST