Gujarati News

Gujarati News

News of Wednesday, 20th January 2021

એક વર્ષમાં ૧૦ હજાર કિ.મી. સાયકલીંગ

રાજકોટના ચાર યુવાનો સાઇકલ ચલાવી ફીટ ઇન્ડિયાનો સંદેશો પ્રસરાવી રહ્યા છે

રાજકોટ તા. ૨૦ : 'સાયકલ ચલાવો સ્વસ્થ રહો' ના સુત્રને ચરિતાર્થ કરી ફીટ ઇન્ડિયાનો સંદેશો પ્રસરાવવા રાજકોટના ચાર યુવાનોએ એક વર્ષમાં ૧૦ કિ.મી.થી વધુ સાયકલ ચલાવી અનોખી પહેલ કરી છે.

સંદીપ મારૂ, રાજેશ ઘેલાણી, જયેશ અજમેરા, પરાગ તન્ના રાજકોટ રેન્ડોનિયર સાથે જોડાયેલા છે. લોકોને સાયકલ ચલાવવાનો સંદેશો આપવા તેમણે દરરોજ સવારે સાયકલીંગનો મનસુબો બનાવ્યો અને વર્ષ ૨૦૨૦ ના ૩૬૫ દિવસમાંથી ૩૦૫ દિવસ એટલે કે દસ મહીના દરરોજ સાયકલીંગ કરી બતાવ્યુ છે. દરરોજ જુદી જુદી દિશામાં એવરેજ ૫૦ કિ.મી. સાયકલ ચલાવતા હતા.

જેમાં વર્ષ દરમિયાન સંદીપ મારૂએ ૧૧૯૫૭ કિ.મી., રાજેશ ઘેલાણીએ ૧૧૭૫૭ કિ.મી., જયેશ અજમેરાએ ૧૧૪૨૦ કિ.મી. અને પરાગ તન્નાએ ૧૦૦૦૦ કિ.મી. સાયકલ યાત્રા પૂર્ણ કરી છે.

બસ લોકો સાયકલ ચલાવતા થાય અને સ્વસ્થ રહે તેવો સંદેશ પ્રસરાવવાનો તેમનો આશય છે. કોરોના સંક્રમણ ઓછુ થયા બાદ આ પહેલને ફરી આગળ વધારવાની નેમ તેઓએ વ્યકત કરી છે.

(2:52 pm IST)
  • પશ્ચિમ બંગાળના શાંતીપૂર્ણ ધારાસભ્ય અરીન્દમ ભટ્ટાચાર્ય ભાજપમાં દાખલ થઈ ગયા : તેમણે કહ્નાં કે પશ્ચિમ બંગાળના યુવાનોનુ અત્યારે કોઈ ભવિષ્ય નથી અને અત્યારે તેમની પાસે કોઈ કામ નથી access_time 5:42 pm IST

  • ભારતે મોકલેલ વેક્સીનનો જથ્થો ભૂટાનમાં આવી પહોંચ્યો access_time 5:09 pm IST

  • ૨૦ જાન્યુઆરીએ બાઇડેન અમેરિકાના રાષ્ટ્રપતિ પદે તથા કમલા હેરિસ ઉપરાષ્ટ્રપતિ પદે શપથ લેશે. અમૃતસરના ચિત્રકાર જગજોતસિંહ રૂબાલે આ બન્ને મહાનુભાવોના ચિત્રો તૈયાર કર્યા હતા. સાથે સાથે તેમણે અમેરિકાના શરૂઆતથી આજ સુધીના રાષ્ટ્રપતિના ચહેરા પણ કળાત્મક રીતે દોર્યા હતા. access_time 10:16 am IST