Gujarati News

Gujarati News

News of Wednesday, 20th January 2021

પ્રમુખ સ્વામી ઓડીટોરીયમમાં કાલે રામ મંદિર નિર્માણ નિધિ સમર્પણ સમારોહ

પૂ.પરમાત્માનંદજી, પૂ.રમેશભાઇ ઓઝા, પૂ.શામળાદાસજી બાપુ અને વિજયભાઇ રૂપાણીની ઉપસ્થિતિમાં : ૨૭ મી સુધી નિધિ એકત્રિકરણ : દેશના ૪ લાખ ગામોમાં હિન્દુ પરિવારોનો ઘરે ઘરે સંપર્ક કરાશે

રાજકોટ તા. ૨૦ : શ્રીરામ જન્મભૂમિ તીર્થ ક્ષેત્ર મંદિર નિર્માણ નિધિ સમર્પણ સમિતિ દ્વારા કાલે રાજકોટમાં ભવ્ય કાર્યક્રમ આયોજીત કરાયો છે.

પ્રમુખ સ્વામી મહારાજ ઓડીટોરીયમ, રૈયા રોડ ખાતે કાલે તા. ૨૧ ના બપોરે ૩.૧૫ વાગ્યે સંતો મહંતો અને મુખ્યમંત્રીશ્રી વિજયભાઇ રૂપાણીની ઉપસ્થિતીમાં યોજાયેલ આ સમારોહ માટે તડામાર તૈયારીઓ આદરવામાં આવી હોવાનું નિધિ સમર્પણ સમિતિના મહાનગર અધ્યક્ષ મૌલેશભાઇ ઉકાણી, કાર્યાધ્યક્ષ રામભાઇ મોકરીયા, વિહીપના નીતેશભાઇ કથીરીયા, મુકેશભાઇ કામદારની સંયુકત યાદીમાં જણાવાયુ છે.

તા. ૨૭ ફેબ્રુઆરી સુધી દેશના ૪ લાખ ગામોમાં ૧૧ કરોડ હિન્દુ પરિવારોના ઘરે ઘરે સંપર્ક કરી નિધિ એકત્ર કરાશે.

સમાજના શ્રેષ્ઠીઓ દ્વારા એક જ સ્થળે ઉપસ્થિત રહી નિધિ અર્પણ કરવામાં આવે તે હેતુથી કાલે રાજકોટમાં આ સમારોહ ગોઠવવામાં આવ્યો છે.

કાર્યક્રમમાં આર્ષ વિદ્યામંદિર મુંજકાના પૂ. પરમાત્માનંદ સરસ્વતી મહારાજ, કથાકાર પૂ. રમેશભાઇ ઓઝા, દાસજી જીવણની જગ્યા ઘોઘાવદરના પૂ. શામળાદાસજી બાપુ સહીતના સંતો મહંતો ઉપસ્થિત રહી આશીર્વચનો આપશે. તેમ નિધિ સમર્પણ સમિતિના પંકજ રાવલ (મો.૭૦૮૩૭ ૧૧૯૪૯) ની યાદીમાં જણાવાયુ છે.

(1:01 pm IST)
  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • જીવતા નહીં તો મરીને પણ સરકાર વાત સાંભળશે, આંદોલનમાં સામેલ વધુ એક ખેડૂતનો ઝેર પીને આપઘાત access_time 4:14 pm IST

  • આજે પ્રથમ દિવસે નવા પ્રમુખ શું કરશે? : ટ્રમ્પ દ્વારા લાદવામાં આવેલ ‘મુસ્લિમ ટ્રાવેલ બાન’ અને સરહદી દિવાલના ચણતરનો જા બાયડન ચાર્જ સંભાળતા વેત પ્રથમ દિવસે અંત લાવે તેવી સંભાવના access_time 5:09 pm IST