Gujarati News

Gujarati News

News of Tuesday, 19th November 2019

પ્રમુખ સામેની અવિશ્વાસની દરખાસ્તના મુદ્દે કાલે સુનાવણી : બાગીઓનો રાજકીય માંચડો હચમચ્યો

કારોબારી અધ્યક્ષ સામેની દરખાસ્તમાં બાવળિયા જુથના ૩ સભ્યોની સહી સૂચક : ભાજપ બહાર નીકળવાનો 'રસ્તો' શોધે છે : ખાટરિયા જુથ ગમે ત્યારે બળાબળના પારખા માટે તૈયાર

રાજકોટ, તા., ૧૯: જિલ્લા પંચાયતના  રાજકારણમાં નવો વણાંક લાવનાર પ્રમુખ અને ઉપપ્રમુખ સામેની અવિશ્વાસ દરખાસ્તના મુદે સુનાવણી માટે આવતીકાલે હાઇકોર્ટમાં તારીખ નક્કી થયેલ છે. કાલે આ કેસમાં પ્રગતી થાય તેવી શકયતા છે. અલ્પાબેન ખાટરીયા અને સુભાષ માકડીયા સામેના અવિશ્વાસ પ્રસ્તાવનો નિર્ણય થાય તે પુર્વે બાગીઓએ કારોબારી સમીતીના અધ્યક્ષ રેખાબેન પટોળીયા સામે અવિશ્વાસ દરખાસ્ત મુકતા એક સાથે બબ્બે અવિશ્વાસ દરખાસ્તથી  જિલ્લા પંચાયતના રાજકારણમાં ગરમાવો વધ્યો છે. કારોબારી અધ્યક્ષ સામેની અવિશ્વાસ દરખાસ્તમાં કેબીનેટ મંત્રી કુવરજીભાઇ બાવળીયાના ચુસ્ત ટેકેદાર ગણાતા ૩ સભ્યોએ સહી કરી છે તે સ્થાનીક રાજકારણની દ્રષ્ટિએ સુચક ગણાય છે. એક મહિના પહેલા રાજકીય રીતે જોરમાં દેખાતા ભાજપ સમર્થીત કોંગ્રેસના બાગીઓ અત્યારે ઢીલા દેખાય છે. રાજકીય વિવાદમાંથી નિકળવા માટે ભાજપ કોઇ રસ્તો શોધી રહયું હોય તેવુ દેખાય છે. કોંગ્રેસનું ખાટરીયા જુથ ગમે ત્યારે બળાબળના પારખા માટે સજ્જ છે.

તા.૧ ઓકટોબરે ભાજપે પંચાયતના પ્રમુખ ઉપપ્રમુખ સામે અવિશ્વાસ દરખાસ્ત રજુ કર્યા બાદ તા.ર૪ મીએ ખાસ સામાન્ય સભા બોલાવવા વિકાસ કમિશનરના આદેશથી ડીડીઓએ એજન્ડા બહાર પાડેલ એજન્ડા ડીડીઓ બહાર ન પાડી શકે તેવો મુદ્દો ઉઠાવી બાગી જુથ વતી ચંદુભાઇ શીંગાળાએ હાઇકોર્ટમાંથી સ્ટે મેળવેલ તે વખતે સામાન્ય સભા મોકુફ રહેલ પરંતુ અર્જુન ખાટરીયાએ સભાખંડમાં ૧૯ સભ્યો પોતાની સાથે હોવાનુ સાબીત કર્યુ હતું. અવિશ્વાસ દરખાસ્ત મંજુર કરાવવા માટે ઓછામાં ઓછા ર૪ સભ્યોનું સમર્થન જરૂરી છે જો કોંગ્રેસ પાસે ૧ર કરતા વધુ સભ્ય થઇ જાય તો અવિશ્વાસ દરખાસ્ત પસાર થઇ શકે નહી. જે તે વખતે હાઇકોર્ટે સ્ટે આપી સુનાવણી ર૦ નવેમ્બર રાખેલ. આવતીકાલે આ પ્રકરણના ભવિષ્યનો અંદાજ આવવાની આશા છે.

(4:25 pm IST)
  • કાલથી શરૂ થનાર BSNL કર્મચારીઓની ૩ દિ'ની ભૂખ હડતાલ હાલ પૂરતી મૂલત્વી : આવતીકાલથી રાજકોટ સહિત દેશભરમાં BSNL કર્મચારીઓની ભૂખ હડતાલ આજે બપોરે રાા વાગ્યે સ્થગીત કરી દેવાઇ છે : યુનિયનો વચ્ચે હાલ હડતાલ અંગે એકમત નહીં થતાં લેવાયેલો નિર્ણય ઓકટોબરનો પગાર ર૮ નવેમ્બરે અપાશેઃ ગઇકાલે થયેલ વાટાઘાટો પણ નિષ્ફળ access_time 4:08 pm IST

  • આશ્રમમાં લપસી જતા ઉમા ભારતીના પગમાં બે જગ્યાએ ફ્રેક્ચર : હોસ્પિટલમાં દાખલ કરાયા : ભાજપના રાષ્ટ્રીય અધ્યક્ષા ઉમા ભારતી ઋષિકેશન એક આશ્રમમાં લપસી જતા ઈજાગ્રસ્ત થતા હોસ્પિટલ લઇ જવાયા : ઉમાભારતીના પગમાં બે ફ્રેક્ચર થયા હોવાનું જાણવા મળે છે access_time 1:12 am IST

  • અમેરિકાનું એરપોર્ટ ખાલી કરાવાયું : શંકાસ્પદ પેકેટ મળી આવતા અમેરિકાનું એક એરપોર્ટ આખું ખાલી કરાવાયું. ફ્લોરિડામાં આવે ડેટોના બીચ ઇન્ટરનેશનલ એરપોર્ટમાંથી એક શંકાસ્પદ પેકેજ મળી આવતા એરપોર્ટ ખાલી કરાવવામાં આવ્યું છે. access_time 6:06 pm IST