Gujarati News

Gujarati News

News of Tuesday, 19th November 2019

સગીરાના અપહરણના ગુન્હામાં છૂટયા બાદ નરેશ મયલે એજ સગીરાને બીજી વાર ભગાડી ગયો

રાજકોટ તા.૧૯: શહેરના પોપટપરા વિસ્તારની સગીરાના અપહરણના ગુન્હામાં જામીન પર છૂટયા બાદ હૈદરાબાદનો શખ્સ એજ સગીરાને સોરઠીયાવાડીમાંથી બીજી વખત ભગાડી જતા ફરિયાદ થઇ છે.

મળતી વિગત મુજબ શહેરના પોપટપરા વિસ્તારમાં રહેતી ૧૫ વર્ષની સગીરાને મૂળ હૈદરાબાદનો હાલમાં રાજકોટ શંકર ટેકરી સંતોષીનગર મફતીયાપરામાં રહેતો નરેશ વ્યંકટ નગરસૈયા મયલે ગતતા.૨૭/૧ના રોજ લલચાવી ફોસલાવી બદકામ કરવાના ઇરાદે અપહરણકરી બળાત્કાર ગુજાર્યો હતો. આ અંગે પ્રનગરપોલીસ મથકમા ફરિયાદ નોંધાતા પોલીસે નરેશ વ્યંકટ નરસૈયા મયલેની પોકસો, બળાત્કારનાગુનામાં ધરપકડ કરી જેલમાં ધકેલી દેવાયો હતો.

અને સગીરાને તેના પરિવારજનોને સોંપવામાં આવી હતી. ત્યારબાદ સગીરા સોરઠીયાવાડી શેરી નં.૬માં આવેલ ઘડીયાળના કારખાનામાં નોકરી કરતી હતી. ગત તા.૧૭/૯ રોજ સગીરા મોટી બહેન સાથે કારખાનામાં મજૂરી કામે ગઇ હતી. ૧૫ વર્ષની નાની બહેન કુદરતી હાજતે ગયા બાદ પરત ન આવતા તેની શોધખોળ કરી હતી. અને પરિવારજનોએ શહેરના બસ સ્ટેશન, રેલ્વે સ્ટેશન, બાગબગીચા તેમજ બહારગામ રહેતા સગાસંબંધીઓને ત્યાં પણ તપાસ કરતા સગીરાનો કોઇ પત્તો લાગ્યો ન હતો. દરમ્યાન સગીરાને જાન્યુઆરીમાસમાં સંતોષીનગરનો નરેશ વ્યંકટ મયલે અપહરણ ગયો હતો. અને તે જેલ હવાલે થયા બાદ તે તાજેતરમાં જામીન પર છૂટ્યો હતો. અને ફરી વખત સગીરાને પજવણી કરતો હોવાની શંકાના આધારે નરેશ મયલના ઘરે તપાસ કરતા તેના ભાઇ રાજ વ્યંકટેએ તેનો ભાઇ નરેશ કામે જવાનું કહીને ગયા પછી પાછો આવ્યો નથી તેવો ઉડાઉ જવાબ આપ્યો હતો. બાદ નરેશનો મોબાઇલ નંબર માંગતા સગીરાના પરિવારજનોને ધમકાવી કાઢી મુકયા હતા. બાદ સગીરાના ભાઇએ ભકિતનગર પોલીસ મથકમાં ફરિયાદ નોંધાવતા પોલીસે નરેશ વ્યંકટ નરસૈયા મયેલ વિરૂધ્ધ અપહરણની કલમ હેઠળ ગુનોદાખલ કરી પીઆઇ વી.કે.ગઢવી તથા રાઇટર નિલેષભાઇ અને ઘનશ્યામભાઇએ તપાસ હાથ ધરી છે.

(3:45 pm IST)
  • કોંગ્રેસના કાર્યોને લોકોએ મહોર મારી રાજસ્થાનમાં સ્થાનિક સ્વરાજયની ચૂંટણીઓમાં કોંગ્રેસને ભવ્ય વિજય મેળવ્યો છે તેને મુખ્યમંત્રી અશોક ગેહલોતે કોંગ્રેસ સરકારના કાર્યને લોકોએ આપેલ લોક ચુકાદા તરીકે ગણાવ્યો છે access_time 6:06 pm IST

  • અખિલેશ સાથે હાથ મિલાવવા તૈયાર : શિવપાલ : ૨૦૨૨માં અખિલેશ યાદવની સાથે ચુંટણી લડવા તૈયારઃ અખિલેશ બનશે મુખ્યમંત્રી : સમાજવાદી પક્ષના ગઢ ઇટાવામાં શિવપાલ યાદવે મોટું નિવેદન આપ્યું છે. પ્રગતિશીલ સમાજવાદી પક્ષ બનાવનાર શિવપાલ યાદવે કહ્યું કે તેઓ સપા સાથે ગઠબંધન કરવા ઇચ્છે છે અને તેઓ પરિવારમાં એકતા સ્થાપવા ઇચ્છે છે.( access_time 3:56 pm IST

  • વાતાવરણ બદલતાં એગ્રીકોમોડિટી વાયદા બજારોમાં સાર્વત્રિક તેજી : ઉત્ત્।ર ભારતમાં ધુમ્મસભર્યા વાતાવરણથી ધાણા વાયદા બે થી અઢી ટકા ઉછળ્યા, કપાસિયાખોળ વાયદા સવાથી દોઢ ટકા ઉછળ્યા, એરંડા, ચણા, ગવાર-ગમ, જીરૂ, રાયડા,સોયાબીન-તેલ વાયદા પણ સવા થી પોણા ટકા સુધી ઉછળ્યા access_time 6:08 pm IST