Gujarati News

Gujarati News

News of Tuesday, 19th November 2019

કોર્પોરેશનમાં હાજરીનું ચેકીંગઃ ૪ ગુટલીબાજો ઝડપાયા

રાજકોટઃ  મ્યુ. કોર્પોરેશનમાં છેલ્લા ઘણા સમયથી અરજદારો દ્વારા ફરીયાદો ઉઠવા પામતા જે અન્વયે આજે મ્યુ. કમિશ્નર દ્વારા કર્મચારીઓની હાજરીઓનું ચેકીંગ કરવામાં આવ્યું હતું. આ ચેકીંગમાં ૪ ગુટલીબાજો ઝડપાયા હતા. કોર્પોરેશનમાં કર્મચારીઓની હાજરી મશીનમાં પુરવામાં આવે છે. ત્રણેય ઝોન કચેરીમાં આ મશીન આગળ સિકયુરીટી કર્મચારીઓને બેસાડવામાં આવ્યા હતા જે કર્મચારીઓ મોડા પડે તેઓને કમિશ્નર પાસે મોકલવામાં આવ્યા હતા. મ્યુ. કમિશ્નર ઉદીત અગ્રવાલે કર્મચારીઓને શિસ્તમાં રહેવા તાકીદ કરી હતી.

(4:30 pm IST)
  • ભાવનગરના આઇટી દરોડામાં સરકારી : અધિકારીઓને ચુકવાયેલા નાણાની વિગતો વાળી ડાયરી મળી આવ્યાની ખળભળાટ મચાવતી હકીકતો વાઇરલ થઇ... ભાવનગરમાં પ્રિયા બલૂ, સંજય મહેતા, હુગલી શિપિંગ , શ્રીજી શિપિંગ, નગરશેઠ શિપબ્રેકર્સ, નજીર કળીવાળા, દિલાવર કળીવાળા, કમલેશ શાહ, દિવ્યાંગ શાહ મુનો, કસ્તુરી કોમોડિટી મુનાશેઠ, જયંતિ સહિત શિપબ્રેકરો અને આંગડિયાને ત્યાં ઇન્કમટેકસના દરોડા પડયાનું સોશ્યલ મીડિયામાં વાયરલ થયેલ છે. દરોડા દરમિયાન એક શિપબ્રેકરની ઓફિસ ડાયરીમાં સરકારી અધિકારીઓને ચૂકવવામાં આવતી લાંચની રકમની યાદી મળી આવતા મોટો ખળભળાટ કહેવાતા કોઈ આંગડિયા ને ત્યાંથી વિદેશમાં હવાલાથી નાણાં મોકલ્યાના મોટા વ્યવહારો પકડાયાની ભારે ચર્ચા access_time 6:07 pm IST

  • મુંબઈના મેયર તથા ડેપ્યુટી મેયર તરીકે શિવસેનાના ઉમેદવારો બિનહરીફ : ઉમેદવારી પત્રક ભરવાની આજ 18 નવેમ્બરના રોજ છેલ્લી તારીખે કોંગ્રેસ અને " NCP એ માર્ગ મોકળો કરી આપ્યો : બંનેમાંથી કોઈપણ પક્ષના ઉમેદવારે ફોર્મ ન ભર્યું access_time 8:25 pm IST

  • રાજસ્થાનની સ્થાનીક ચૂંટણીઓમાં કોંગ્રેસ આગળ : : રાજસ્થાનમાં શનિવારે યોજાયેલી સ્થાનીક ચૂંટણીઓની મત ગણતરી આજ મંગળવારે ચાલુઃ બપોરે ૧૨ વાગ્યા સુધીમાં કોંગ્રેસ ૪૯૫ અને ભાજપ ૩૯૨ વોર્ડમાં વિજેતા access_time 4:08 pm IST