Gujarati News

રાજકોટ તા. ૧૯: મોરબી રોડ પર ગણેશનગરમાં રહેતી નઝમાબેન રાજેશ જાદવ (ઉ.૩૫) નામની મહિલાએ ઝેરી ટીકડી પી લેતાં સિવિલ હોસ્પિટલમાં ખસેડાઇ છે. આ અંગે ચોકીના સ્ટાફે બી-ડિવીઝન પોલીસ મથકમાં જાણ કરી હતી.

નઝમાબેને રાજેશ જાદવ સાથે લવમેરેજ કર્યા છે. તેણીનો પતિ છુટક મજૂરી કરે છે. તેના કહેવા મુજબ પતિ એક કેસમાં જામીન પડ્યો હોઇ હવે એ વ્યકિત કોર્ટમાં મુદ્દતે હાજર રહેતો ન હોઇ પતિ રાજેશ વિરૂધ્ધ વોરન્ટ નીકળતાં તે કયાંક જતો રહેતાં તેના ટેન્શનને કારણે પોતે ઝેરી ટીકડી ગઇ હતી.