Gujarati News

Gujarati News

News of Friday, 19th October 2018

સીવીલ હોસ્પિટલમાં સારવાર માટે આવેલી થાનગઢની ૧૭ વર્ષની સગીરા ગુમઃ અપહરણનો ગુનો

રાજકોટ તા. ૧૯ :.. સરકારી હોસ્પિટલમાં માતા સાથે સારવાર માટે આવેલી ૧૭ વર્ષની સગીરા કેસ બારી પાસેથી લાપતા થતા તેના માતાએ પ્ર.નગર પોલીસ મથકમાં ફરીયાદ થઇ છે.

મળતી વિગત મુજબ ચોટીલાના થાનગઢમાં રૂપાવટી રોડ સીતારામ સોસાયટી બ્લોક નં. ૯ર માં રહેતા મીરાબેન જેઠાભાઇ ડાભી (ઉ.૩૬) એ પ્રદ્યુમનનગર પોલીસ મથકમાં નોંધાવેલી ફરીયાદમાં જણાવ્યું છે કે, ગત તા. ૧૬-૧૦ ના રોજ સવારે હું તથા મારી દીકરી ૧૭ વર્ષની વર્ષા બંને થાનથી રાજકોટ સરકારી હોસ્પિટલે વર્ષાની દવા લેવા માટે આવ્યા હતાં. ત્યારે તેનો કેસ કઢાવવા માટે દીકરી વર્ષાને કેસ બારી પાસે બેસવાનું કહી પોતે કયા ડોકટર પાસે જવાનું છે. તે તપાસ કરવા માટે ગઇ હતી. થોડીવાર  બાદ પરત આવતા પુત્રી વર્ષા કેસ બારી પાસે જોવા ન મળતા તેની શોધખોળ આદરી હતી. પરંતુ તેનો કોઇ પતો ન લાગતા પ્ર.નગર પોલીસ મથકમાં ફરીયાદ નોંધાવતા પોલીસે અજાણ્યા શખ્સ વિરૂધ્ધ અપહરણનો ગુનો પીઆઇ બી. એમ. કાતરીયાએ તપાસ આદરી છે.

(3:33 pm IST)
  • પેટ્રોલ-ડીઝલના ભાવવધારાના પગલે અમદાવાદમાં કોંગ્રેસની સાયકલ રેલી : અમદાવાદમાં કોંગ્રેસ પ્રદેશ પ્રમુખ અમિતભાઇ ચાવડાની આગેવાનીમાં કાલુપુર રેલ્વે સ્ટેશનથી લાલ દરવાજા સુધી સાયકલ રેલીઃ પેટ્રોલ - ડીઝલના ભાવવધારાના પગલે ૧૫ ફુટ ઉંચા મોંઘવારીનો રાક્ષસ બનાવી વિરોધ દર્શાવ્યોઃ રૂપાલી સિનેમા પાસે પુતળાનું દહન કરાશે access_time 3:54 pm IST

  • સુરત:નાની અંબાજી ખાતેથી ગઇકાલે નીકળેલી રથયાત્રામાં બની અકસ્માત ઘટના:માતાજીના રથયાત્રા દરમ્યાન યુવક રથ પરથી નીચે પટકાયો:ઘટના બાદ લોકો વચ્ચે મચી નાશભાગ યુવક ઈજાગ્રસ્ત થતા સારવાર અર્થે નજીકની હોસ્પિટલ ખસેડવામાં આવ્યો access_time 4:34 pm IST

  • વહેલી સવારે પાલનપુર નજીક પેસેન્જર ટ્રેનમાં મુસાફરો લૂંટાયા :બાંદ્રાથી ચંડીગઢ જતી 22451 નંબરની ટ્રેનમાં બની ઘટના :પાલનપુર નજીક રેલવે ચેઈન પુલિંગ કરી લૂંટારા ફરાર:અંદાજીત દોઢ કલાક પેસેન્જરો પાલનપુર નજીક અટવાયા :જીઆરપીએફ અને આરપીએફ પોલીસે ઘટનાસ્થળ પર પહોંચી હાથ ધરી તપાસ :લૂંટની વિગત પોલીસ મેળવી રહી છે :પાલનપુર રેલ્વે પોલીસે હાથ ધરી તપાસ access_time 12:14 pm IST