Gujarati News

રાજકોટ તા.૧૯: કેટરીંગનો મોટો વ્યવસાય ધરાવતા ''ક્રિષ્ના કેટરર્સ'' મારૂતી ચોકવાળા ગોપાલભાઇ ભાલારાના પત્ની ક્રિષ્નાબેન ભાલારાએ ''ચામુંડા ક્રેડીટ કો.ઓપ.સોસા.લી'' માંથી મેળવેલ લોનની ચુકવણી પેટે આપેલ ચેક પરત ફરતા અને નોટીસ આપવા છતાં ચેકની રકમ ન ચુકવેલ હોવાથી અંતે મામલો કોર્ટ સુધી પહોંચેલ છે.

રાજકોટમાં ''ચામુંડા ક્રેડીટ કો.ઓપ. સોસા. લી. કે જેઓ મુખ્યત્વે મંડળીના જરૂરીયા તવાળા શેર હોલ્ડરને નાણા ધિરાણની પ્રવૃતિ કરે છે તેઓએ કોર્ટમાં કરેલ ફરિયાદ મુજબ ચેક પરત ફરતા ફરિયાદીએ તેમના એડવોકેટ મારફતે આ કામના આરોપીને લીગલ નોટીસ પાઠવેલ તેમ છતાં આરોપીએ ફરિયાદીને આપેલ ચેકની રકમ સમય મર્યાદામાં ન ચુકવતા ફરિયાદીએ તેમના એડવોકેટ દિનેશ આર. વારોતરીયા મારફતે ધી નેગોશીયેબલ ઇન્સ્ટ્રુમેન્ટ એકટ મુજબ ધોરણસરની ફોજદારી ફરિયાદ રાજકોટના ચીફ. જયુડી. મેજીસ્ટ્રેટની કોર્ટમાં આરોપી સામે દાખલ કેસ દાખલ કરેલ છે. જેમાં કોર્ટે આરોપીને મુદત તા. ૨૭-૧૨-૨૦૧૮ ની તારીખે હાજર રહેવા સમન્સ ઇશ્યુ કરેલ છે.