Gujarati News

Gujarati News

News of Friday, 19th October 2018

બહેનને સિરીયલ જોવી'તી ને ભાઇને ફિલ્મ, ઝઘડો બંને કેરોસીન અને ફિનાઇલ પી ગયા!

થાનનો બનાવઃ જતીન (ઉ.૧૮) અને બહેન સુમન (ઉ.૨૦) રાજકોટ સારવારમાં

રાજકોટ તા. ૧૯: ટીવી સિરીયલોનું ખાસ કરીને બહેનોને એવું ઘેલુ હોય છે કે એકાદ એપિસોડ ચુકાઇ જાય તો પણ તેને ગમતું હોતું નથી. થાનગઢમાં આવી જ એક ઘટનામાં ભાઇ-બહેન વચ્ચે સિરીયલ અને ફિલ્મ જોવા બાબતે માથાકુટ થતાં ભાઇએ કેરોસીન પી લેતાં અને બહેન ફિનાઇલ પી જતાં બંનેને સારવાર માટે દાખલ કરવા પડ્યા છે.

થાન આંબેડકરનગરમાં રહેતો જતીન મનુભાઇ રાઠોડ (ઉ.૧૮) નામનો વણકર યુવાન રાત્રે કેરોસીન પી જતાં તેને જોઇ મોટી બહેન સુમન મનુભાઇ રાઠોડ (ઉ.૨૦) ફિનાઇલ પી જતાં બંનેને ઝેરી અસર થતાં થાન સારવાર અપાવી રાજકોટ સિવિલ હોસ્પિટલમાં ખસેડાતાં હોસ્પિટલ ચોકીના જગુભા ઝાલા અને રાજદિપસિંહે થાન પોલીસને જાણ કરી હતી. સુમન બે ભાઇની એકની એક બહેન છે. તેના પિતા હયાત નથી. સુમન અને જતીન બંને કારખાનામાં કામ કરે છે. સુમનના કહેવા મુજબ પોતાને 'યે રિશ્તા કયા કહેલાતા હૈ' નામની ટીવી સિરીયલ જોવી હતી અને વખતે ભાઇને ફિલ્મ જોવી હતી. આ બાબતે બંને વચ્ચે ઝઘડો થતાં ભાઇ કેરોસીન પી ગયો હતો. આ કારણે પોતે પણ ફિનાઇલ પી ગઇ હતી. બંનેની હાલત ભયમુકત છે.

(11:47 am IST)
  • અમદાવાદ:સરદાર પટેલની જયંતીએ 22મી ઓક્ટોબરે એકતા યાત્રા વિષયે સ્પર્ધા યોજવા આદેશ:પરીક્ષાના સમયે શિક્ષણ વિભાગે કર્યો આદેશ:શિક્ષણ વિભાગના પરિપત્રથી આચાર્યો અને સચાલકોમાં નારાજગી:વેકેશન પૂર્ણ થયા બાદ સ્પર્ધાનું આયોજન access_time 8:37 pm IST

  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • અમદાવાદના વેજલપુરમાં બાળકી સાથે દુષ્કર્મ : અમદાવાદમાં ૮ વર્ષની બાળકી સાથે દુષ્કર્મનો મામલે વેજલપુર પોલીસે આરોપી ફરહાન નુર મહંમદની ધરપકડ કરી વધુ કાર્યવાહી હાથ ધરીઃ પાડોશીએ ઘરમા બાળકીને રમવા બોલાવીને આચર્યું દુષ્કર્મ access_time 3:54 pm IST