Gujarati News

Gujarati News

News of Friday, 19th October 2018

કમલ જયસ્વાલના આપઘાતમાં સ્યુસાઇડ નોટ અને કોલ ડિટેઇલ પરથી થશે તપાસ

વાઇરલ થયેલી ઓડિયો કલીપ મામલે પણ તપાસ કરવામાં આવશે

રાજકોટ તા. ૧૮: વાંકાનેર સોસાયટી પાસે કોપર સીટીમાં રહેતાં કમલભાઇ ઉર્ફ કાળુભાઇ જયંતિલાલ જયસ્વાલ (ઉ.૪૫) નામના આધેડે પરમ દિવસે ગળાફાંસો ખાઇ આપઘાત કરી લીધાના બનાવમાં પરિવારજનોએ જે તે વખતે પત્નિના વિયોગમાં આ પગલુ ભરી લીધાનું જણાવ્યું હતું.

પણ બીજી તરફ ઘટનાના આઠેક કલાક બાદ સ્યુસાઇડ નોટ મળતાં પોલીસે  આ અંગે તપાસ શરૂ કરી છે. સાંજ સુધીમાં કોલ ડિટેઇલ આવી જશે તે પછી પોલીસ આગળ વધશે.

કમલભાઇ ઉર્ફ કાળુભાઇએ આપઘાત કર્યો એ દિવસે જ એવા મેસેજ વાઇરલ થયા હતાં કે સટ્ટામાં બે-અઢી કરોડ હારી જતાં અને એક બુકીએ ઉઘરાણી માટે ધમકી આપતાં આ બનાવ બન્યો છે. જો કે જે તે દિવસે પરિવારજનોએ આવું કંઇ જ નહિ હોવાનું કહ્યું હતું. બીજી તરફ હવે સ્યુસાઇડ નોટ પણ મળી છે અને આપઘાત કરનારની એક ઓડિયો કલીપ પણ વાયરલ થઇ છે. ડીસીપી મનોહરસિંહ જાડેજાની રાહબરીમાં પી.આઇ. વી.વી. ઓડેદરા અને ટીમે વિશેષ તપાસ યથાવત રાખી છે.

(3:32 pm IST)
  • હવેથી CBSE માન્ય સ્કૂલોના વિદ્યાર્થીઓ ગમે ત્યાંથી યુનિફોર્મ,સ્ટેશનરી અને પુસ્તકો ખરીદી શકશે :નવી ગાઈડલાઈન જાહેર દેશની 20 હજારથી વધુ સ્કૂલો થશે પ્રભાવિત access_time 4:30 pm IST

  • સુરત:નાની અંબાજી ખાતેથી ગઇકાલે નીકળેલી રથયાત્રામાં બની અકસ્માત ઘટના:માતાજીના રથયાત્રા દરમ્યાન યુવક રથ પરથી નીચે પટકાયો:ઘટના બાદ લોકો વચ્ચે મચી નાશભાગ યુવક ઈજાગ્રસ્ત થતા સારવાર અર્થે નજીકની હોસ્પિટલ ખસેડવામાં આવ્યો access_time 4:34 pm IST

  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST