Gujarati News

Gujarati News

News of Friday, 19th October 2018

સોરઠીયાવાડીમાં કારખાનામાં દરોડોઃ તિનપત્તીનો જૂગાર રમતાં ૬ પકડાયા

રાજકોટ તા. ૧૮: સોરઠીવાડી શેરી નં. ૭માં જે. કે. મોલવાળી શેરીમાં જીજ્ઞેશ મેન્યુફેકચર્સ ઉપરના ભાગે આવેલા આર. કે. એન્ટરપ્રાઇઝ નામના કારખાનામાં જૂગાર રમાતો હોવાની માહિતી પરથી ભકિતનગર પોલીસે દરોડો પાડી કારખાનેદાર સહિત છને તિનપત્તી રમતાં પકડી લીધા હતાં.  પોલીસે હરિ ધવા રોડ પર કામનાથ સોસાયટી-૪માં રહેતાં અને આર. કે. એન્ટરપ્રાઇઝ નામે ભાડાથી કારખાનુ ધરાવતાં નિખીલ કિશોરભાઇ રાખોલીયા (પટેલ) (ઉ.૨૮) તથા વિરલ પ્રવિણભાઇ ચોવટીયા (ઉ.૩૧-રહે. અજંતા પાર્ક બી-૭૯), મનિષ દલસુખભાઇ ખુંટ (ઉ.૩૬-રહે. કામનાથ સોસાયટી-૨), પ્રવિણ જેરામભાઇ ખુંટ (ઉ.૫૨-રહે. ન્યુ સુભાષનગર-૬), સંજય અરજણભાઇ સિધપરા (ઉ.૩૬-ન્યુ સુભાષનગર-૩) તથા વિજય અનિલભાઇ પાંભર (ઉ.૩૬-રહે. કામનાથ સોસાયટી-૫/૨)ને પકડી લઇ રૂ. ૨૮૬૮૦ તથા ગંજીપાના કબ્જે લીધા હતાં.  પી.આઇ. વી. કે. ગઢવીની રાહબરીમાં પીએસઆઇ પી.એમ. ધાખડા, હેડકોન્સ. પ્રકાશભાઇ વાંક, મહેન્દ્રસિંહ, દેવાભાઇ, નિલેષભાઇ, ભાવેશભાઇ મકવાણા, સલિમભાઇ સહિતની ટીમે આ દરોડો પાડ્યો હતો.

(3:58 pm IST)
  • અમદાવાદ : માતાજીનો ચમત્કાર આવ્યો સામે:શહેરના ઘાટલોડિયા વિસ્તારની પારસમણિ સોસાયટીની ઘટના :અંબાજી માતાના મંદિરમાં થયો ચમત્કાર :મંદિર પરિસરમાં ગત રાત્રે માતાજીના કંકુના પગલાં પડ્યા :ચમત્કાર જોવા મોટી સંખ્યામાં શ્રધ્ધાળુઓનું ઘોડાપુર ઉમંટયુ access_time 4:35 pm IST

  • સુરેન્દ્રનગર:શહેરમાં પસાર થતી દુધરેજ નર્મદા કેનાલમાં અગમ્ય કારણોસર વૃદ્ધ દંપતીએ ઝંપલાવતા પતિનું મૌત નીપજ્યું :પાલિકા ફાયર ફાયટર ટિમ દ્વારા વૃધ્ધ પત્નીને બચાવી લેવામાં આવી:પોલીસે ધટના સ્થળે પહોંચી વધુ તપાસ હાથ ધરી access_time 8:38 pm IST

  • આવતીકાલે શુક્રવારે પણ ઇંધણના ભાવમાં મળશે રાહત :પેટ્રોલ -ડીઝલના ભાવમાં થશે ઘટાડો : પેટ્રોલના ભાવમાં 20 પૈસા અને ડીઝલના ભાવમાં સંભવત 10 પૈસા સુધીનો ઘટાડો કરાય તેવી શકયતા : એકધારા વધતા ભાવથી ત્રાહિમામ લોકોને મળશે હળવી રાહત access_time 11:58 pm IST