Gujarati News

Gujarati News

News of Wednesday, 19th September 2018

પારેવડી ચોકમાં સીટી બસની ઠોકરે અજાણ્‍યા ભિક્ષુક જેવા વૃધ્‍ધાનું મોત

રાજકોટ તા. ૧૯: પારેવડી ચોકમાં સાંજે સીટી બસ નં. જીજે૩બીટી-૦૨૩૧ની ઠોકરે ચડી જતાં આશરે ૮૦ વર્ષના વૃધ્‍ધાનું ઘટના સ્‍થળે જ મોત નિપજ્‍યું હતું.

બનાવની જાણ થતાં બી-ડિવીઝનના એએસઆઇ યુ. બી. પવાર અને અજયભાઇએ ઘટના સ્‍થળે પહોંચી કાર્યવાહી કરી હતી. થોરાળા આંબેડકરનગરના ગોૈતમભાઇ દલપતભાઇ રાઠોડની ફરિયાદ પરથી બસ ચાલક સામે ગુનો નોંધાયો હતો. અકસ્‍માત સર્જી બસનો ચાલક ભાગી ગયો હતો.

મૃત્‍યુ પામનાર વૃધ્‍ધા ભિક્ષુક જેવા લાગે છે. તેણે જાંબલી રંગની મેલા જેવી સાડી અને જાંબલી બ્‍લાઉઝ પહેર્યા છે. તસ્‍વીરમાં દેખાતા મૃતકના કોઇ વાલીવારસ હોય તો બી-ડિવીઝન પોલીસનો ફોન ૦૨૮૧ ૨૭૦૬૦૧૮ ઉપર સંપર્ક કરવા જણાવાયું છે.

 

(12:58 pm IST)
  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST

  • લ્યો બોલો !! પ્રદિપસિંહ જાડેજા કહે છે ગુજરાતના ધારાસભ્યોને અન્ય રાજય કરતા ઓછો પગાર મળે છે : ધારાસભ્યોને ૭૦ને બદલે ૧.૧૬ લાખ : પ્રધાનોને ભથ્થા સાથે દર મહિને ૧.૩ લાખ મળશે : ૨૨-૧૨-૨૦૧૭થી નવો પગાર મળશે : રોજનું ભથ્થુ ૨૦૦ રૂ.ના બદલે ૧૦૦૦ મળે તેવો સુધારો : ટપાલ ખર્ચ ૧૦ હજાર મળશે...! (ટપાલ કોઈ લખે છે ખરા?) પ્રદિપસિંહ જાડેજાએ મુકેલ વિધયેકને કોંગ્રેસ વધાવી લઈ ટેકો આપ્યો access_time 1:38 pm IST

  • નાસા પણ નાણાકીય ભીડમાં તેના અવકાશયાનો - રોકેટ ઉપર જાહેરાતો સ્વીકારાશે : અમેરીકાની 'નાસા' સંસ્થા પણ નાણાકીય કટોકટીમાં ફસાણી છે. નાણાભીડ દૂર કરવા અવકાશ કાર્યક્રમના ઈતિહાસમાં પ્રથમ વખત નાસા હવે તેના સ્પેશશટલ - રોકેટ ઉપર કોમર્શીયલ જાહેરાતો સ્વીકારાશે. નાસાની પોલીસીમાં મોટો બદલાવ આવી રહ્યો છે. મંગળ ગ્રહ સહિતના સ્પેસ કાર્યક્રમો માટે અબજો ડોલરની ખેંચ દૂર કરવા અમેરીકાના અવકાશ પ્રોગ્રામનું સંચાલન કરી રહેલ ''નાસા''ના રોકેટ - ઉપગ્રહો જ નહિં પણ તેના એસ્ટ્રોનર - અવકાશયાત્રીઓ પણ બ્રાન્ડ એમ્બેસેડર બનશે. જગપ્રસિદ્ધ કંપનીઓના લોગો સાથે તેમની બ્રાન્ડની પ્રસિદ્ધિ કરશે તેમ જાણવા મળે છે. access_time 1:39 pm IST