Gujarati News

Gujarati News

News of Monday, 19th August 2019

જન્માષ્ટમી પર્વ મોજથી મનાવજોઃ હજુ અઠવાડીયુ નોંધપાત્ર વરસાદ નહિઃ હવામાન નિષ્ણાંતોનો નિર્દેશ

રાજકોટ, તા. ૧૯ :. ગુજરાતમાં એકાદ મહિનો સુધી સતત હાજરી પુરાવ્યા બાદ હવે મેઘરાજાએ વિરામ લીધો છે. તહેવારોમાં વરસાદી વિઘ્નો આવે તેવા કોઈ એંધાણ ન હોવાનું હવામાન નિષ્ણાંતોએ સરકારને જણાવ્યુ છે. સામાન્ય રીતે વરસાદી સીસ્ટમ સર્જાતા પહેલા એકાદ અઠવાડીયે તેના વૈજ્ઞાનિક ઢબે એંધાણ મળી જતા હોય છે. અત્યારે આવા કોઈ એંધાણ નથી તેનો મતલબ આવતુ ઓછામાં ઓછું એકાદ અઠવાડીયુ રાજ્યમાં સાર્વત્રિક નોંધપાત્ર વરસાદ પડે તેવી સંભાવના નથી. કુદરતી રીતે વાતાવરણ ગમે ત્યારે બદલાઈ શકે છે.

તા. ૨૨ થી ૨૪ જન્માષ્ટમીના તહેવારો છે. તે દિવસોમાં કયાંય ભારે વરસાદ પડે તેવા અત્યારના સંજોગો નથી. લોકો લોકમેળાની મજા વરસાદી વિઘ્ન વિના માણી શકે તેવી આશા દ્રઢ બની છે. થોડા દિવસો પહેલા જ સારો વરસાદ થઈ ગયો હોવાથી લોકો અને ખેડૂતોના હૈયે હરખ છે. આજે સવારથી ૨૬ તાલુકાઓમાં મેઘરાજાએ હાજરી પુરાવી છે. જેમાં અરવલ્લીના ધનસુરા અને મેઘરજમાં એક - એક ઈંચ જેટલો વરસાદ થયો છે. જાંબુઘોડા અને ઘોઘંબા (પંચમહાલ)માં અડધોથી પોણો ઈંચ વરસાદ થયો છે. દાહોદ, ઝાલોદ, માળીયાહાટીના, ચીખલી, જૂનાગઢ, ગણદેવી, તિલકવાડા વગેરેમાં સવારથી બપોર સુધીમાં હળવા ઝાપટા પડયા છે.

(4:26 pm IST)
  • ૪૦૦ કરોડથી વધુ ટર્નઓવર ધરાવતી કંપનીઓનો કોર્પોરેટ ટેક્સ તબક્કાવાર ઘટાડીને ૨૫ % કરી નખાશે: નાણામંત્રી નિર્મલા સીતારમનની જાહેરાત:ભારતના સંપત્તિ સર્જક સાહસિકો ઉદ્યોગપતિઓને તમામ પ્રકારનો ટેકો અપાશે access_time 9:11 pm IST

  • દિલ્હી એરપોર્ટ પર શાહ ફૈઝલને અટકાવવા મામલે દિલ્હી હાઇકોર્ટે સરકાર પાસે માંગ્યો જવાબ :જમ્મુ કશ્મીર પીપલ્સ મુવમેન્ટના અધ્યક્ષ અને પૂર્વ આઇપીએસ અધિકારી શાહ ફેંસલને દિલ્હી એરપોર્ટ પર અટકાવતા મામલો હાઇકોર્ટ પહોંચ્યો access_time 1:09 am IST

  • સાતમ-આઠમ પછી ગુજરાત-મહારાષ્ટ્ર સહિત રાજયોના પશ્ચિમ કાંઠે સારો વરસાદ પડશેઃ ખાનગી વેધર એનાલીસ્ટે ટવીટ્ કરી જણાવ્યું છે કે ૩૧ ઓગષ્ટ પછી લો-પ્રેસર (એલપીએ) ફોર્મેશન થવાની જીએફએસની આગાહીઃ દેશના પશ્ચિમના કાંઠે ફરી ભારે વરસાદની પુરી સંભાવનાઃ ગુજરાત-મહારાષ્ટ્ર-કર્ણાટક, આંધ્ર-છત્તીસગઢ-ઓડીસા સહિતના રાજયોમાં સારા વરસાદના એંધાણ access_time 11:35 am IST