Gujarati News

Gujarati News

News of Monday, 19th August 2019

આહિર રેજીમેન્ટની માંગ સાથે આવતા વર્ષે દ્વારકામાં મહાસંમેલન

અખિલ ભારત વર્ષીય યુવા યાદવ મહાસભાની મીટીંગમાં લેવાયેલો નિર્ણયઃ રાષ્ટ્રીયકક્ષાના સંમેલનમાં અખિલેશ યાદવ, તેજપ્રતાપ યાદવ સહિતના નેતાઓ હાજર રહેશે : વિજય વાંક

રાજકોટ : દિલ્હીના ગાઝીયાબાદ ખાતે અખિલ ભારત વર્ષીય યુવા યાદવ મહાસભાની બે દિવસીય મીટીંગ મળી હતી. આ મીટીંગમાં સમગ્ર દેશભરમાંથી આહિર સમાજના આગેવાનો ઉપસ્થિત રહ્યા હતા. અખિલ ભારત વર્ષીય યુવા યાદવ મહાસભાના રાષ્ટ્રીય પ્રમુખ શ્રી ઉદયપ્રતાપસિંહ, રાષ્ટ્રીય મહામંત્રી શ્રી સત્યપ્રકાશ યાદવ, રાષ્ટ્રીય યુવા પ્રમુખ શ્રી દિનેશ યાદવ, રાજસ્થાન યુવા પ્રમુખ શ્રી મહેન્દ્ર યાદવ અને દિલ્હીના બાદલીના ધારાસભ્ય શ્રી દેવેન્દ્ર યાદવ તેમજ ગુજરાત પ્રદેશ પ્રમુખ શ્રી ગોવિંદભાઈ કાનગડ અને પ્રદેશ યુવા પ્રમુખ શ્રી વિજય વાંક સહિતના આગેવાનો ઉપસ્થિત રહ્યા હતા. રાજકોટના કોંગ્રેસના કોર્પોરેટર શ્રી વિજય વાંક (મો.૯૮૨૪૫ ૮૦૯૮૦) એ જણાવ્યુ હતું કે આગામી ૨૦૨૦ના અંતમાં દ્વારકામાં આહિર રેજીમેન્ટની મુખ્ય માંગણી સાથેનું એક મહાસંમેલન મળનાર છે. રાષ્ટ્રીય કક્ષાના આ સંમેલનમાં યુ.પી.ના પૂર્વ મુખ્યમંત્રી શ્રી અખિલેશ યાદવ, બિહારના શ્રી તેજપ્રતાપ યાદવ સહિતના નેતાઓ હાજર રહેશે. ઉકત માંગણી સાથે આવતા વર્ષભર કાર્યક્રમો યોજાનાર છે. ઉકત તસ્વીરમાં દિલ્હીના ગાઝીયાબાદ ખાતે યોજાએલ મીટીંગમાં ઉપસ્થિત મહાનુભાવો દર્શાય છે.

(4:16 pm IST)
  • ૪ આતંકી શકમંદો દેશમાં ઘુસ્યા છે ફોટા જાહેર કરાયા : ગુજરાતમાં હુમલાની શકયતાઃ આખા રાજયમાં કડક ચેકીંગ ચાલુઃ ઓગષ્ટના પ્રારંભે આ ચાર ઘુસ્યાના હેવાલોઃ પાસપોર્ટ અને ફોટા પણ પોલીસે જાહેર કર્યા: સુરક્ષા એજન્સીઓ મહતમ એલર્ટઃ આંતરરાજય સરહદો પણ સીલ કરાઇઃ શામળાજી બોર્ડર ઉપર જબ્બર સુરક્ષા ચક્રઃ એસઆરપીના ૩૦ જવાનો ખડેપગે પહેરો ભરે છે: સાતમ-આઠમના તહેવારો ઉપર હુમલાનો ભય access_time 11:32 am IST

  • દિલ્હી એરપોર્ટ પર શાહ ફૈઝલને અટકાવવા મામલે દિલ્હી હાઇકોર્ટે સરકાર પાસે માંગ્યો જવાબ :જમ્મુ કશ્મીર પીપલ્સ મુવમેન્ટના અધ્યક્ષ અને પૂર્વ આઇપીએસ અધિકારી શાહ ફેંસલને દિલ્હી એરપોર્ટ પર અટકાવતા મામલો હાઇકોર્ટ પહોંચ્યો access_time 1:09 am IST

  • ગુજરાતમાં વસતા લઘુમતિ કોમના લોકોમાં પુરુષ દીઠ મહિલાઓની સંખ્યા હિંદુઓ કરતા વધારે : ખ્રિસ્તી કોમમાં 1000 પુરુષદીઠ 979 મહિલા ,જૈનમાં 966 તથા મુસ્લિમ કોમમાં 1000 પુરુષદીઠ 944 મહિલાની સંખ્યા : હિંદુઓમાં 1000 પુરુષદીઠ 916 મહિલાઓ હોવાનો કેન્દ્ર સરકારનો અહેવાલ access_time 12:09 pm IST