Gujarati News

Gujarati News

News of Monday, 19th August 2019

ઢેબર રોડ શ્રમજીવી સોસાયટીમાં પટેલ કારખાનેદાર રજનીભાઇ સિધ્ધપુરાનો ગળાફાંસો ખાઇ આપઘાત

રાજકોટ તા.૧૯: ઢેબર રોડ પર શ્રમજીવી સોસાયટીમાં રહેતાં પટેલ કારખાનેદારે ગળાફાંસો ખાઇ આપઘાત કરી લેતાં પરિવારમાં અરેરાટી વ્યાપી ગઇ છે.

જાણવા મળ્યા મુજબ શ્રમજીવી સોસાયટીમાં રહેતાં રજનીભાઇ ગોવિંદભાઇ સિધ્ધપુરા (ઉ.૪૩) નામના પટેલ કારખાનેદારે સાંજે સાડા સાતેક વાગ્યે ઘરમાં પંખામાં ચાદર બાંધી ગળાફાંસો ખાઇ લેતાં પત્નિ જોઇ જતાં દેકારો મચાવતાં સ્વજનો ભેગા થઇ જતાં રજનીભાઇને તાકીદે નીચે ઉતારી સિવિલ હોસ્પિટલમાં ખસેડ્યા હતાં. પરંતુ અહિ સારવાર દરમિયાન દમ તોડી દેતાં સ્વજનોમાં કલ્પાંત સર્જાયો હતો. હોસ્પિટલ ચોકીના હેડકોન્સ. ડી. કે. ખાંભલા અને દિપસિંહ ચોૈહાણે જાણ કરતાં ભકિતનગરના એએસઆઇ દિલીપભાઇ અને રામદેવસિંહે જરૂરી કાર્યવહી કરી હતી. આગળની તપાસ હેડકોન્સ. રસિકભાઇ ગઢાદરાએ હાથ ધરી છે.

પોલીસની પ્રાથમિક તપાસમાં ખુલ્યા મુજબ આપઘાત કરનાર રજનીભાઇ કારખાનુ ચલાવતાં હતાં. સંતાનમાં એક પુત્ર છે. આપઘાતનું કારણ બહાર ન આવતાં તપાસ યથાવત રખાઇ છે.

(4:11 pm IST)
  • વડાપ્રધાન મોદીના આગામી વિદેશ પ્રવાસથી ભારતની વધશે તાકાત :મળશે સાઉદી અરબનું સર્વોચ્ચ સન્માન ;આગામી 23મી ઓગસ્ટ પહેલા પીએમ મોદી સાઉદી અરબના પ્રવાસે જશે ;પીએમ મોદી અબુધાબીના ક્રાઉન પ્રિન્સ શેખ મોહમ્મ્દ બિન જાયદ અલ નાહયાન સાથે મુલાકાત કરશે access_time 9:11 am IST

  • ૪૦૦ કરોડથી વધુ ટર્નઓવર ધરાવતી કંપનીઓનો કોર્પોરેટ ટેક્સ તબક્કાવાર ઘટાડીને ૨૫ % કરી નખાશે: નાણામંત્રી નિર્મલા સીતારમનની જાહેરાત:ભારતના સંપત્તિ સર્જક સાહસિકો ઉદ્યોગપતિઓને તમામ પ્રકારનો ટેકો અપાશે access_time 9:11 pm IST

  • સરકારે અર્ધ સૈનિક દળની નિવૃત્તિ વયમર્યાદા નક્કી કરી ;હવે 60 વર્ષે થશે રિટાયર્ડ :ગૃહ મંત્રાલયનો આ આદેશ દિલ્હી હાઇકોર્ટના જાન્યુઆરીના ચુકાદા બાદ કરાયો :હાઇકોર્ટે કેન્દ્ર સરકીરને કહ્યું હતું કે તમામ રેન્ક માટે એક સેવા નિવૃત્તિ વાય નિર્ધારિત કરો access_time 1:02 am IST