Gujarati News

Gujarati News

News of Thursday, 19th July 2018

ખંઢેરી રેલવે સ્ટેશન પાસે ટ્રેનમાંથી પડી જતા અજાણ્યા વૃધ્ધનુ મોત

રાજકોટતા. ૧૯ : જામનગર રોડ ખંઢેરી રેલવે સ્ટેશન પાસે ટ્રેનમાંથી પડી જતા અજાણ્યા વૃધ્ધનુ મોત નિપજ્યુ છે.

મળતી વિગતો મુજબ ખંઢેરી રેલવે સ્ટેશન પાસે એક ૬૫ વર્ષના અજાણ્યા વૃધ્ધ બેભાન હાલતમાં પડ્યો હોવાની જાણ થતા  ૧૦૮ના તબીબે તેનુ મોત નિપજ્યુ હોવાનુ જાહેર કર્યુ હતુ. જાણ થતા રેલવે પોલીસે મથકના હેડ કોન્સ .પી.એમ તૈરેયા તથા રાઇટર યોગીરાજસિંહ સહિત સ્થળ પર પહોંચી તપાસ આદરી હતી. અને વૃધ્ધની લાશને પીએમ માટે સીવીલ હોસ્પિટલમાં ખસેડાયા હતા. મૃતક અજાણ્યા વૃધ્ધના જમણા હાથના બાવળા પર જૂનુ વાગેલાનુ નિશાન છે. તેણે સફેદ આછા ગુલાબી કલરનો ચેકસ વાળો શર્ટ પહેરેલ છે.  વૃધ્ધના માથામાં ઈજા અને કપડા ફાટેલા હોવાથી વૃધ્ધનુ ચાલુ ટ્રેનમાંથી પડી જવાથી મૃત્યુ નિપજ્યુ હોવાનુ પોલીસે જણાવ્યુ છે. આ વૃધ્ધના જો કોઇ સગા સંબંધી હોય તો રેલવે પોલીસ સ્ટેશન ફોન નંબર ૦૨૮૧- ૨૪૪૩૩૫૮ તથા મોબાઇલ નં. ૯૬૩૮૦૨૪૯૭૬ ઉપર સંપર્ક કરવો.

(4:22 pm IST)
  • દેશના અર્થવ્યવસ્થા નજીકના ભવિષ્યમાં ચિંતાનો સામનો કરાવશે :ઉદ્યોગપતિ કુમાર મંગલમ બિરલાએ સચેત કરતા કહ્યું કે ક્રૂડતેલની વધતી કિંમત,વધતો ફુગાવો અને ચાલુ ખાતાની ખાદ્ય મુખ્ય ચિંતાનો વિષય છે access_time 12:55 am IST

  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST

  • ગંગા નદીની સફાઈ માટે કઈ જ થયું નથી : ઉત્તરાખંડ સરકાર સામે નેશનલ ગ્રીન ટ્રીબ્યુનલ નારાજ :એનજીટીએ કહ્યું ગંગાની હાલત ખુબ જ ખરાબ છે : અધિકારીઓના દાવા છતાં સ્થિતિમાં કોઈ સુધારો થયો નથી:નિયમિત દેખરેખની તાતી જરૂર છે access_time 11:52 pm IST