Gujarati News

રાજકોટ, તા., ૧૯: મ્યુ. કોર્પોરેશન દ્વારા આ વર્ષથી નવી કોર્પેટ વેરા પધ્ધતી અમલી બનાવતાં નવા વેરા મુજબનાં વેરા બીલ પહોચાડવામાં  તંત્ર વામણું પુરવાર થયું છે એટલું જ નહીં વેરા સામે વાંધા અરજીનાં ઢગલાઓ પણ થયા છે. આ તમામ કારણોસર વેરામાં ૧૦ થી ૧પ ટકા વળતર યોજનાનાં લાભથી લાખો કરદાતાઓ વંચીત રહી જવાની સંભાવના છે ત્યારે લોકમાંગને સ્વકીારી આગામી ૧ મહિનો ૧૦ થી ૧પ ટકા વેરા વળતર યોજના લંબાવાશે તેવો નિર્દેશ, મ્યુ. કમિશ્નરશ્રીએ આપ્યો છે.

આ અંગે મ્યુ. કમિશ્નર બંછાનિધી પાનીએ જાહેર કર્યા મુજબ વેરાબીલ સામે આજદિન સુધીમાં ૭૬૦૦ વાંધા અરજીઓ તંત્રને મળી છે તેની સામે રર૦૦ અરજીઓનો નિકાલ કરી દેવાયો છે. 

આમ હજુ લાખો-હજારો કરદાતાઓ ૧૦ ટકા વળતરથી વંચીત છે. ત્યારે આ વળતર યોજનાં લંબાવવા સ્ટેન્ડીંગ કમીટીને દરખાસ્ત કરવામાં આવશે કે કેમ? તેવા પ્રશ્નના જવાબમાં કમિશ્નરશ્રીએ નિર્દેશ આપ્યો હતો કે આગામી મળનાર સ્ટેન્ડીંગ કમીટીમાં ૧૦ ટકા વળતર યોજના ૧ મહીનો લંબાવવા દરખાસ્ત કરાશે. (૪.૧૬)