Gujarati News

Gujarati News

News of Monday, 19th April 2021

રાજકોટની નાઝીયાને જામનગરમાં પતિ, જેઠ અને નણંદે માર માર્યો

અગાઉ ફરિયાદ કરી હોઇ ખાર રાખી મારકુટ થયાનો આક્ષેપ

રાજકોટ તા. ૧૯: જામનગર ધરારનગરમાં મસ્જીદ પાસે સાસરૂ ધરાવતી અને રાજકોટ ભગવતીપરા જયપ્રકાશનગરમાં માવતર ધરાવતી નાઝીયા ઇરફાન જોખીયા (ઉ.વ.૧૮)ને જામનગરમાં પતિ ઇરફાન, જેઠ અકબરભાઇ અને નણંદ ઝરીનાબેને ઢીકાપાટુનો માર મારતાં રાજકોટ સિવિલ હોસ્પિટલમાં દાખલ થતાં હોસ્પિટલ ચોકીના સ્ટાફે જામનગર પોલીસને જાણ કરી હતી. નાઝીયાના લગ્ન આઠ મહિના પહેલા જ થયા છે. તેણીના કહેવા મુજબ અગાઉ તેને પતિ સહિતે મારકુટ કરી કાઢી મુકી હોઇ પોતે માવતરે આવી હતી અને પોલીસમાં અરજી ફરિયાદ કરી હતી. ગઇકાલે પોતે જામનગર ગઇ ત્યારે પતિ સહિતે અરજી કરી હોઇ તેનો ખાર રાખી ફરીથી મારકુટ કરી હતી.

(11:03 am IST)
  • દિલ્હીમાં કોરોનાનો કહેર યથાવત : આજે કોરોનાના 23686 નવા કેસ અને 240 લોકોના દુઃખદ મોત થયા access_time 11:48 pm IST

  • નવા કૃષિ કાયદાઓ પાછા ખેંચવાની માગણી સાથે છેલ્લા ઘણા મહિનાથી ગાઝિયાબાદની યુપી ગેટ બોર્ડર પર વિરોધ કરી રહેલા ખેડૂત નેતાઓનું જોમ ઘટી રહેલ જોવા મળી રહ્યું છે. કોરોના રોગચાળાની બીજી લહેરનો ભય ત્યાં પણ દેખાય રહ્યો છે. ધારણામાં ખેડુતોની સંખ્યા પણ ખૂબ ઓછી દેખાય રહી છે. દરમિયાન, ગાઝિયાબાદ પોલીસની સાથે દિલ્હી પોલીસ NH -9 નો એક ભાગ ખોલી રહી છે. પોલીસ અધિકારીઓનું કહેવું છે કે, કોરોના દર્દીઓ લઇને ચાલી રહેલી એમ્બ્યુલન્સ સેવાઓ ચલાવવામાં કોઈ અવરોધ ન આવે તે માટે આ કાર્યવાહી કરવામાં આવી રહી છે. access_time 9:36 am IST

  • ચીનના કબ્‍જાગ્રસ્‍ત હોંગકોંગે ભારતથી આવતી તમામ ફલાઈટો ઉપર પ્રતિબંધ લગાવી દીધો છે : પાકિસ્‍તાન અને ફીલીપાઈન્‍સની ફલાઈટો ઉપર પણ બાન મૂકી દીધો છે access_time 11:49 am IST