Gujarati News

Gujarati News

News of Monday, 19th April 2021

ગાંધીગ્રામ એસકે ચોકના વેપારીઓ 19 થી 24 સુધી બપોરના 2 સુધી દુકાનો ચાલુ રાખશે: પીઆઇ કે.એ. વાળા સાથે વેપારી મંડળની બેઠકમાં વેપારીઓ અડધા દિવસના સ્વૈચ્છીક લોકડાઉન માટે સહમત થયા

રાજકોટઃ હાલમાં જે રીતે કોરોનાનું સંક્રમણ વધી રહ્યું છે તેને જોતા રાજકોટ શહેર પોલીસ કમિશનર શ્રી મનોજ અગ્રવાલ તેમજ જોઇન્ટ કમિશનરશ્રી ખુરશીદ અહેમદ ,ઇન્ચાર્જ DCP zone 2 પ્રવીણકુમાર મીણા, એસીપી પશ્ચિમ વિભાગ પી.કે દિયોરાએ સુચના આપેલ તે મુજબ આજરોજ ગાંધીગ્રામ પોલીસ સ્ટેશનનાં પોલીસ ઇન્સ્પેક્ટર ખુમાનસિંહ વાળાએ વિસ્તારના એસ.કે ચોકના વેપારી મંડળ સાથે ગાંધીગ્રામ પોલીસ સ્ટેશન ખાતે એક મિટિંગનું આયોજન કરેલ અને હાલની આ મહામારી સામે લડવા માટે પોલીસ વિભાગને તેમજ તમામ સરકારી તંત્રને મદદરૂપ થવા માટે જરૂરી નિયમોનું પાલન કરવા માટે સમજાવવામાં આવેલ તેમજ તમામ વેપારીઓને સ્વૈચ્છિક lockdown કરવા અંગે જણાવતા એસ.કે ચોક વિસ્તારના તમામ વેપારીઓએ સ્વૈચ્છિક રીતે આવતીકાલ તારીખ 19/4/2021 થી તારીખ 26/4/2021 સુધી દરરોજ માત્ર બપોરના બે વાગ્યા સુધી જ દુકાનો ચાલુ રાખવાનું નક્કી કરેલ છે અને બપોર પછી દુકાનો બંધ રાખવા સહમત થયેલ છે.

(7:14 pm IST)
  • રેલ્વે આ સાથેની સૂચિ મુજબના રાજ્યોમાં નિ:શુલ્ક ઓક્સિજન પૂરો પાડશે : મહારાષ્ટ્ર 1500 મેટ્રિક ટન, ઉત્તરપ્રદેશ 800 મેટ્રિક ટન, દિલ્હી 350 મેટ્રિક ટન, પંજાબ 300 મેટ્રિક ટન, છટ્ટીસગઢ 250 મેટ્રિક ટન, ગુજારાત 200 મેટ્રિક ટન, બિહાર 200 મેટ્રિક ટન, ઝારખંડ 200 મેટ્રિક ટન access_time 9:34 am IST

  • સંરક્ષણ મંત્રાલયે જાહેર કર્યું છે કે ડીઆરડીઓએ SpO2 (બ્લડ ઓક્સિજન સંતૃપ્તિ) ની પૂરક ઓક્સિજન ડિલિવરી સિસ્ટમ વિકસાવી છે જેનો ઉપયોગ મધ્યમ લક્ષણોવાળા કોવિડ19 દર્દીઓમા ઓક્સિજન ફ્લો થેરેપી માટે થઈ શકશે. access_time 5:11 pm IST

  • ઈન્ડિયન પ્રીમિયર લીગની 14 મી આવૃત્તિની મધ્યમાં ચેન્નાઈ સુપર કિંગ્સ માટે ખરાબ સમાચાર સામે આવ્યા છે. ટીમના સ્પિન કોચ મુથૈયા મુરલીધરનની તબિયત અચાનક બગડી હતી અને ત્યારબાદ તેને ચેન્નઈની એપોલો હોસ્પિટલમાં દાખલ કરવામાં આવ્યા છે. જાણવા મળ્યું છે કે તેની છાતીમાં અચાનક દુખાવો થયો હતો, ત્યારબાદ તેને હોસ્પિટલમાં દાખલ કરવામાં આવ્યા હતા. access_time 11:02 pm IST