Gujarati News

રાજકોટ,તા.૧૯: શહેરનાં ગાંધીગ્રામમાં શ્યામ નગર મેઇન રોડ પર રહેતા વાલ્મીકી વૃધ્ધની સેવા માટે નોકરીએ રાખેલા બે શખ્સો રોકડ અને બાઇક ચોરી જતા ફરિયાદ થઇ છે.

મળતી વિગત મુજબ શહેરના ગાંધીગ્રામના શ્યામનગર મેઇન રોડ પર રહેતા અને આકાશવાણી રેડીયો સ્ટેશનમાં સફાઇ કામદારમાં નોકરી કરતા વિનોદભાઇ મેરામભાઇ વાઘેલા (ઉવ.૫૨)એ ગાંધીગ્રામ પોલીસ મથકમાં નોંધાયેલી ફરિયાદમાં ગોકુલધામ આર.એમ.સી કવાર્ટરનં. ૧૨ બ્લોક નં. ૨૯ના કમલેશ ગોરધનભાઇ ટાંક અને મનહરપુર -૧ ઇરોના ભઠ્ઠાની સામે રહેતા ધવલ કેશુભાળ ધોકીયાના નામ આપ્યા છે. વિનોદભાઇ વાઘેલાએ ફરિયાદમાં જણાવ્યું છે કે, પોતે નોકરી પરથી ઘરે આવ્યા ત્યારે પિતા મેરામભાઇએ કહેલ કે, 'મારૂ પાકીટ મળતુ નથી અને પ્લેઝર મોટર સાયકલની ચાવી પણ મળતી નથી'તેમ કહેતા પોતાને થયું કે કયાંક મુકાઇ ગયું હશે. બાદ પોતે નોકરીએ જતા રહ્યા હતા. અને રાત્રે પરત આવ્યા ત્યારે પિતાજીને પુછતા તેણે પાકીટ અને બાઇકની ચાવી મળી ન હોવાનું જણાવ્યું હતું પોતે તેના પિતાને 'આપણા ઘરે તમારી સેવા માટે નોકરીએ રાખેલ કમલેશ અને ધવલને પુછી જોયું.' તેણે તમને આપી નથી. તેમ જણાવતા પિતા મેરામભાઇએ કહ્યું હતું કે, પોતે બપોરે જમીને સુઇ ગયો હતો. ત્યારે સુધી બંને મારા રૂમમાં જ હતા. હું ઉઠ્યો ત્યારે તે બંને ઘરે ન હતા. ત્યાર પછી બંને પરત આવ્યા નથી તેમ કહેતા પોતે તાકીદે ઘરમા તપાસ કરતા પાકીટ અને પ્લેઝર મોટર સાયકલ ગાયબ હતું. બાદ પોતે પરિવારના સભ્યોને પુછતા બંને બાપુજીનું મોટર સાયકલ લઇને નિકળી ગયા છે તેમ જણાવ્યું હતું. બાદ પોતે બંનેને ફોન કરતા બંને ના મોબાઇલ બંધ આવતા હતા. બાદ તપાસ કરતા રૂ.૩ હજાર ભરેલું પાકીટ એટીએમ કાર્ડ તથા બાઇક મળી રૂ.૧૩૦૦૦ની માલમતા ચોરી ગયાની ખબર પડી હતી. બાદ ગત ફેબ્રુઆરીમાં પિતાજીનું અવસાન થતા પોતે પોલીસ ફરિયાદ કરી ન હતી. બાદ ગઇ કાલે પોતે ગાંધીગ્રામ પોલીસ મથકમાં કમલેશ અનેધવલ વિરૂધ્ધ ફરિયાદ નોંધાવતા પોલીસે બંને શખ્સોને સંકજામાં લઇ પીએસઆઇ એમ.બી.જેબલીયાએ તપાસ હાથ ધરી છે.