Gujarati News

Gujarati News

News of Tuesday, 19th March 2019

વેજાગામના પૂર્વ સરપંચની જમીન પચાવી પાડવાના ૨૦૧૪ના કોૈભાંડમાં બલી ડાંગર અને જયપાલસિંહ જાડેજાની ધરપકડ

આગોતરા જામીન સાથે રજૂ થતાં ગાંધીગ્રામ પોલીસે કાર્યવાહી કરી જામીન મુકત કર્યાઃ તે વખતે ડઝનેક શખ્સો સામે ગુનો દાખલ થયો હતો

રાજકોટ તા. ૧૯: વર્ષ ૨૦૧૪માં વેજાગામના પૂર્વ સરપંચ જયદેવસિંહ અભેસિંહ જાડેજા (ઉ.૫૬)ની અતિ કિંમતી જમીન પચાવી પાડી મારી નાંખવાની ધમકી આપી જમીનમાં ઘુસી બોર્ડ ઉભા કરી દેવા સબબ જે તે વખતે ગાંધીગ્રામ પોલીસે જયપાલસિંહ જાડેજા, બલી ડાંગર સહિત ડઝનેક શખ્સો સામે ગુનો નોંધ્યો હતો. આ ગુનામાં બલદેવ ઉર્ફ બલી વીરભાનુભાઇ ડાંગર (ઉ.૩૪-રહે. વાંકાનેર સોસાયટી-૧) તથા જયપાલસિંહ મહિપતસિંહ જાડેજા (ઉ.૪૫-રહે. અમીન માર્ગ, ચિત્રકુટધામ)ની ગાંધીગ્રામ પોલીસે ધરપકડ કરી છે. જો કે આ બંને આગોતરા જામીન લઇ હાજર થયા હોઇ કાર્યવાહી બાદ ગાંધીગ્રામ પોલીસે મુકત કર્યા છે.

જે તે વખતે તા. ૨૧/૯/૨૦૧ના રોજ વેજાગામ પટેલ શેરીમાં રહેતાં અને ખેતી કરતાં પૂર્વ સરપંચ જયદેવસિંહ જાડેજા (ઉ.૫૬)ની ફરિયાદ પરથી પ્રવિણ પ્રભાતભાઇ હુંબલ તથા બલી ડાંગરના ૩૫ થી ૪૦ માણસોના ટોળા સામે આઇપીસી ૪૫૨, ૧૪૩, ૫૦૬ (૨), ૧૧૪, ૧૩૫ (૧) મુજબ ગુનો નોંધ્યો હતો.જે તે વખતે પોલીસ તપાસમાં બલી ડાંગર, જયપાલસિંહ જાડેજા, પ્રવિણ હુંબલ, અર્જુન જળુ, ભાવેશ હુંબલ, ભાવેશ કુરકુરીયાવાળવાળો, ઉમંગ પટેલ, મિલાપ લાવડીયા, શૈલેષ કુંભાર સહિતના નામ પણ સામે આવતાં મોટા ભાગનાની ધરપકડ થઇ હતી. આ કેસમાં બાદમાં બાકીના આરોપીઓની ધરપકડ સામે સ્ટે લેવામાં આવ્યો હતો. પાછળથી સ્ટે ઉઠી જતાં બલી ડાંગર અને જયપાલસિંહ જાડેજા ગઇકાલે આગોતરા જામીન સાથે હાજર થતાં ગાંધીગ્રામ પી.આઇ. વી. વી. ઓડેદરા, ભાનુભાઇ મિંયાત્રા તથા રશ્મીનભાઇ પટેલે ધરપકડની કાર્યવાહી કરી જામીન મુકત કર્યા છે.

(3:38 pm IST)
  • તેલંગણામાં કોંગ્રેસને મોટો ફટકો : ચુંટણી પહેલા તેના ૭ ધારાસભ્યો શાસક TRS માં જોડાયા access_time 3:22 pm IST

  • રાષ્ટ્રપતિએ આપી લોકપાલ ટીમને મંજૂરી : ગુજરાતના બે સભ્યોની પસંદગી : લોકપાલ તરીકે જસ્ટિસ પિનાકી ચાંદ્રા ઘોષ અને જ્યુડીશ્યલ મેંમેંબરમાં જસ્ટિસ દિલીપ ભોંસલે,જસ્ટિઝ પ્રદીપકુમાર મોહન્ટી, જસ્ટિસ અજયકુમાર ત્રિપાઠી :નોન જ્યુડીશ્યલ મેમ્બરમાં દિનેશકુમાર જૈન (ચીફ સેક્રેટરી મહારાષ્ટ્ર ), અર્ચના રામસુન્દરમ (પૂર્વ આઇપીએસ અધિકારી )અને ડો, ઇંદ્રજીતપ્રસાદ ગૌતમ (પૂર્વ આઇપીએસ ઓફિસર ) રહેશે access_time 11:10 pm IST

  • ખોડલધામની મહિલા સમિતિમાં કોઈ વિવાદ નથી : શર્મીલાબેન બાંભણીયાએ તો ૩ મહિના પહેલા જ નિવૃતિ જાહેર કરી દીધી હતી : ખોડલધામ ટ્રસ્ટની મહિલા સમિતિમાં વિવાદ થયાના સમાચારો વહેતા થયા છે ત્યારે ખોડલધામ મહિલા સમિતિના જ એક સભ્યએ જણાવેલ કે મહિલા સમિતિમાં કોઈ વિવાદ છે જ નહિં, પ્રમુખ શર્મીલાબેન બાંભણીયાએ તો ૩ મહિના અગાઉ જ સમાધાન પંચમાં નિવૃતિ જાહેર કરી દીધી હતી આમ છતાં તેઓ હાલમાં પણ ટ્રસ્ટની સેવાકીય પ્રવૃતિઓમાં જોડાયેલા છે. તાજેતરમાં ખોડલધામની નવી કન્વીનરની ટીમની જાહેરાત કરવામાં આવી હતી. આમ મહિલા સમિતિમાં કોઇ જ વિવાદ ન હોવાનું સૂત્રોએ જણાવ્યુ હતું. access_time 3:23 pm IST