Gujarati News

Gujarati News

News of Tuesday, 19th March 2019

લાલપાર્કના પટેલ આધેડ શાંતિભાઇ હરસોડાએ બેંક લોન ચડી જતાં ફાંસો ખાઇ જિંદગી ટૂંકાવી

રાજકોટ તા. ૧૯: અટીકા ૮૦ ફુટ રોડ પર નહેરૂનગર પાસે લાલ પાર્કમાં એપાર્ટમેન્ટમાં રહેતાં પટેલ આધેડે બેંક લોન ન ભરી શકતાં દેણું વધી જવાથી કંટાળી જઇ ગળાફાંસો ખાઇ આપઘાત કરી લેતાં પરિવારમાં કલ્પાંત સર્જાયો છે.

લાલપાર્કમાં રહેતાં શાંતિભાઇ કરસનભાઇ હરસોડા (ઉ.૪૭) નામના પટેલ આધેડે ઘરમાં છતની પીઓપીમાંથી લાઇટ કાઢી તેના હુકમાં ચુંદડી બાંધી દેહ લટકાવી દીધો હતો. પરિવારજનો જોઇ જતાં નીચે ઉતારી બેભાન હાલતમાં સિવિલ હોસ્પિટલમાં ખસેડ્યા હતાં. પરંતુ અહિ મોત નિપજતાં હોસ્પિટલ ચોકીના એએસઆઇ જગુભા ઝાલા અને રાજદિપસિંહે જાણ કરતાં ભકિતનગરના એએસઆઇ સુભાષભાઇ વી. ડાંગર તથા રાઇટર નિલેષભાઇએ જરૂરી કાર્યવાહી કરી હતી.

પોલીસની પ્રાથમિક તપાસમાં ખુલ્યા મુજબ શાંતિભાઇ પટેલને સંતાનમાં એક પુત્ર તથા એક પુત્રી છે. અગાઉ તેમણે બેંકમાંથી લોન લીધી હોઇ હપ્તા ચડત થઇ જતાં દેણાને કારણે ટેન્શનમાં રહેતાં હતાં. કેટલાક સમયથી કામે પણ જતાં નહોતાં. કંટાળીને આ પગલું ભર્યાનું તેમના પરિવારજનોએ કહ્યું હતું.

ભવાનીનગરના વૃધ્ધાએ ફિનાઇલ પી લીધું

રામનાથપરા પાસે ભવાનીનગર-૪માં રહેતાં રંજનબેન બાબુભાઇ ગોહેલ (ઉ.૮૫) નામના ઓડ વૃધ્ધાએ માનસિક બિમારીથી કંટાળી ફિનાઇલ પી લેતાં સિવિલ હોસ્પિટલમાં દાખલ કરાયા છે. વૃધ્ધાને સંતાનમાં એક પુત્ર છે. હોસ્પિટલ ચોકીના સ્ટાફે એ-ડિવીઝન પોલીસને જાણ કરી હતી.

(3:38 pm IST)
  • ભ્રમ ના ફેલાવે કોંગ્રેસ :બસપા પ્રમુખ માયાવતીએ કોંગ્રેસ પર કર્યા પ્રહાર :માયાવતીએ કહ્યું સાત સીટો છોડવાનો કોંગ્રેસ ભ્રમ ના ફેલાવે :કોંગ્રેસ સાથે અમારું કોઈ ગઠબંધન નથી access_time 12:56 am IST

  • ગરીબ છાત્રોના શિક્ષણ માટે આખરે રાજ્ય સરકાર જાગી :તમામ જિલ્લાના ડીઈઓ-ડીપીઈઓ પાસેથી વિગતો મંગાવી... : ૨૨ માર્ચ સુધીમાં સ્કૂલોએ વિદ્યાર્થીઓની સંખ્યા આપવાની રહેશે... એપ્રિલ માસમાં આરટીઈ પ્રવેશ પ્રક્રિયા થવાની સંભાવના... access_time 4:00 pm IST

  • ઓડિસાના વેદાંત પ્લાન્ટમાં નોકરીની માંગ સાથે હિંસક પ્રદર્શન : કાલાહાંડી વેદાંત પ્લાન્ટમાં નોકરીની માંગ ઉગ્ર બની :એક સુરક્ષાકર્મી સહીત બે લોકોના મોત :સુરક્ષાકર્મી અને પ્રદર્શકારીઓ વચ્ચે ઘર્ષણ :30થી વધુ લોકો ઘાયલ access_time 1:04 am IST