કરાર આધારિત અધિકારીઓની કામગીરીનો મૂલ્યાંકન અહેવાલ ઓનલાઇન નહિ

News of Wednesday, 19th February 2020

કરાર આધારિત અધિકારીઓની કામગીરીનો મૂલ્યાંકન અહેવાલ ઓનલાઇન નહિ

સરકારે અગાઉની સૂચના રદ કરી, હવે ઓફલાઇન અહેવાલ

રાજકોટ તા. ૧૯: રાજ્ય સરકારે વયનિવૃતિ બાદ કરારીય નિમણુંક પામેલા વર્ગ-૧-૨ના અધિકારીઓના વાર્ષિક કામગીરી મૂલ્યાંકન અહેવાલ ઓનલાઇન ભરવા અંગેની અગાઉની સૂચના રદ કરી છે. આ અમે સામાન્ય વહીવટી વિભાગના નાયબ સચિવ એ.એચ. મનસૂરીની સામાન્ય સહીથી તા. ૧૫-૦૨-૨૦૨૦ના રોજ પરિપત્ર પ્રસિધ્ધ કરાયો છે. પરિપત્રમાં જણાવાયુ છે કે સરકારની કાળજી પૂર્વકની અને પુખ્ય વિચારણાને અંતે સામાન્ય વહીવટ વિભાગના ઠરાવથી પ્રસિદ્ધ થયેલ વચનિવૃતિ બાદ કરારીય નિમણુંક પામેલા વર્ગ-૧ અને વર્ગ-૨ના અધિકારીઓના વાર્ષિક કામગીરી મૂલ્યાંકન અહેવાલ 'ઓનલાઇન' ભરવા અંગેની સુચનાઓ રદ કરવામાં આવે છે. હવે સામાન્ય વિભાગના તા. ૩૧/૩/૨૦૧૮ના ઠરાવ અન્વયે વયનિવૃતિ બાદ કરાર આધારિત નિમણુંક પામેલ વર્ગ-૧ અને વર્ગ-૨ ના અધિકારીઓ માટે વાર્ષિક કામગીરી મૂલ્યાંકન અહેવાલ 'ઓફલાઇન' ભરવા અંગેની સુચનાઓ તેમજ સામાન્ય વહીવટ વિભાગના તા. ૦૮૫/૦૩/૨૦૧૯ના ઠરાવ અન્વયે વયનિવૃતિ બાદ કરાર આધારિત નિમણુંક પામેલ વર્ગ-૩ના કર્મચારીઓ માટે વાર્ષિક કામગીરી મૂલ્યાંકન અહેવાલ ઓફલાઇન' ભરવા અંગેની સુચનાઓ અમલમાં રહેશે

(3:37 pm IST)