Gujarati News

Gujarati News

News of Tuesday, 19th February 2019

શિવનગરમાંથી ૧૩ વર્ષનો માનસિક અસ્વસ્થ બાળક રામશંકર ગૂમ

'સોમવારી ભરાય છે ત્યાં રહુ છું'...એટલુ જ બોલી શકે છેઃ અપહરણનો ગુનો

રાજકોટ તા. ૧૮: મુળ બિહારના બહારટ તાબેના ટપાટી ગામના અને હાલ કોઠારીયા સોલવન્ટ પાસે સિતારામ સોસાયટી પાછળ શિવનગરમાં રહેતાં જાનકીદેવી શ્યામસુંદર મંડલ (ઉ.૪૨)નો ૧૩ વર્ષનો માનસિક અસ્વસ્થ પુત્ર રામશંકર તા. ૧/૨ના રોજ ગૂમ થતાં પોલીસને જાણ કરવામાં આવતાં પોલીસે અપહરણનો ગુનો નોંધ્યો છે. જાનકીદેવીએ પોલીસને જણાવ્યું છે કે પોતે કારખાનામાં મજૂરી કરે છે. સંતાનમાં બે દિકરા અને એક દિકરી છે. જેમાં રામશંકર (ઉ.૧૩) બીજા નંબરનો છે. તે માનસિક અસ્વસ્થ જેવો છે. તા. ૧ના પતિ તથા પોતે કામે ગયા હતાં. ત્યાંથી ઘરે આવ્યા ત્યારે દિકરો રામશંકર જોવા ન મળતાં તપાસ કરતાં શોધખોળ કરી હતી. પરંતુ કયાંય દેખાયો નહોતો. રામશંકર ગુમ થયો ત્યારે  રૂ. પ૦૦ની નોટ પણ ઘરમાં રાખેલા પાકીટમાંથી ગૂમ હતી. તે અર્ધપાગલ હોઇ માત્ર 'સોમવારી ભરાય છે ત્યાં રહુ છું' એટલુ જ બોલી શકે છે. તેના જમણા હાથે ત્રિશુલ અને નાગના ચિત્રો ત્રોફાવેલા છે. તે વતન બિહારમાં પહોંચ્યો હશે તેમ સમજી તપાસ કરાવાઇ હતી પરંતુ ત્યાં પણ મળ્યો નથી.

આજીડેમ પી.આઇ. પી.એન. વાઘેલાની રાહબરીમાં પીએસઆઇ આર.વી. કડછા અને કેતભાઇએ ગુનો નોંધી તપાસ હાથ ધરી છે. તસ્વીરમાં દેખાતો બાળક કોઇને દેખાય તો આજીડેમ પોલીસને મો. ૭૪૩૩૮ ૧૪૮૦૮  ઉપર જાણ કરવા જણાવાયું છે.(૧૪.૭)

(11:33 am IST)
  • માં અને માં અમૃતમ કાર્ડ હેઠળ ગંભીર રોગમાં રૂ.૫ લાખ સુધીની સારવાર મફત : માં અને માં અમૃતમ કાર્ડ હેઠળ જેની વાર્ષિક આવક રૂ.૪ લાખ સુધીની હોય તેને ગંભીર રોગમાં રૂ.૫ લાખ સુધીની સારવાર મફત મળશેઃ બજેટની આજની જાહેરાત અંગે સરકારી સુત્રોની મહત્વની સ્ષ્પષ્ટતા access_time 4:15 pm IST

  • એમ્બ્યુલન્સને અકસ્માતઃ ૭ના મોત : યમુના એકસ્પ્રેસ-વે ઉપર એક એમ્બ્યુલન્સ ડીવાઇડર તોડી આગરા-દિલ્હી રોડ ઉપર બીજી સાઇડે ફેંકાતા ૭ના મોત થયા છે. access_time 11:34 am IST

  • યુપી વિધાનસભામાં ધ્રુસકે ધ્રુસકે રડી પડયા સપાના ધારાસભ્ય :કહ્યું ચોરીના પૈસા પાછા નહિ મળ્યા તો આત્મવિલોપન કરીશ :વિધાનસભામાં આઝમગઢની મેહનગર સીટના સપાના ધારાસભાઈ કલ્પનાથ પાસવાન રડ્યા:તેના 10 લાખ ચોરી થયાને એક મહિનાથી એસપી કચેરી સહીત પોલીસ મથકે ચક્કર લગાવ્યા છતાં કાર્યવાહી નહીં :ફરિયાદ પણ નહીં નોંધાતા ધારાસભ્ય રડવા લાગ્યા access_time 12:54 am IST